Havré
Èn årtike di Wikipedia.
Havré (fr: Havré, vaila on prononce Avrè) est èn ancyin ptit ban del Walonreye, e payis picård, rebané avou Mont.
- Limero del posse: 7021 (vî limero 7040)
- Limero diyalectolodjike: Mo 25
Li no d' Havré vént do vî vî no Haverec.
[candjî] Istwere
Å 12inme sieke, li segneureye di Havré a stî dnêye pa l' conte do Hinnot å tchesturlin d' Mont a tite ereditaire po les tnants di ci tchedje la. Après l' prumire brantche des Havré, li segneureye a passé successivmint ås Ingui (Enghien), ås Harcourt, ås Dunois, ås Longueville et po fini ås Croy ki l' ténront djusk' al fén do vî redjime.
[candjî] Economeye
Ça a stî ene pitite comene ritche do 19inme sieke djusk' ås anêyes 1950, avou ses bwès, si refinreye di sé, si taenreye, si fabrike di toubak, si fabrike di noere poure po les cartoutches, si vinrerie, ses cårires di fosfate mins ossu et surtout ses tcherbonaedjes ki dnént di l' ovraedje a pus di 1000 omes et femes. E 1960, après l' moirt do dierin tcherbonaedje li viyaedje s' a-st edoirmou po divni on viyaedje dortwer po les djins ki vont travayî principålmint a Brussele, a Mont et a Tchålerwè.
