Georges Smal
Èn årtike di Wikipedia.
Georges Smal a skepyî li 8 di djanvî 1928 et a ndalé e 1988. C' esteut on fjheu d' arimeas e walon mimbe des Relîs Namurwès.
A vudi troes ramexhnêyes di powezeyes: “Vint d' schoice” (Vint d' chwache) (1953), “Al taxhlete” (Al tachlète) (1956) eyet “Cayôs d' aiwe” (Cayôs d' êwe) (1992). Après s' moirt a co rexhou “Ene voye d' aiwe” (One vôye d' êwe) (1992).
Si ritche vocabulaire, eyet ene cogne di powezeye azès fenès imådjes fijhèt di Smal onk des pus grands fijheus d' arimeas del deujhinme mitan des anêyes 1900. Nerén, i n' esteut nén veyou voltî pa Lucien Maréchal, ki vleut ki les arimeas e walon soeyénxhe comprindous åjheymint di tertos.
Çou k' a fwait li pus verziner Smal, c' est les candjmints d' après l' guere di 1940-45, avou li skepiaedje di deus societés: li cene des ptits viyaedjes ki dmoréve avou ses viyès uzances, eyet li cene modiene, ki bodjive al cwatrinme vitesse.
Veyou avou l' ouy des rfondeus, nos rlevrans ki Djôr Smal si sieve cobén di noûmots pa stindaedje di sinse, ey eto d' eprontaedjes di croejhete foû payis.
Di s' mestî, il boutéve a l' Estat, et après, il a fwait del politike.
A pårti di 1999, ene bate di dijhaedjes di rimeas e walon a Nameur a stî lomêye "Grand Pris Georges Smal".Il est rprins dins l' antolodjeye Fleurs diyalectåles et dins Antolodjeye Scrir.