Feu e l' aisse
Èn årtike di Wikipedia.
On feu e l' aisse, c' est on feu ki s' fwait dins ene grande lådje tchiminêye, sins stouve.
Les schenes sont metowes so des ahesses k' on lome cropecindes.
Li tcholeur pout esse revoyeye dins l' tchambe metowe padrî li tchminêye (li bele plaece), pal voye d' ene take.
Divinltins, on cujheut e feu e l'aisse, tot pindant les tchôdrons avou l' amagnî a cure après on crama.
Ådzeu do feu e l' aisse, gn av' li djivå, avou on rabat di tchminêye ki pindeut après.
[candjî] Ahesses d' on feu e l' aisse
Astok do feu a l' aisse, gn aveut tofer les fiers di murea
Pus vî, gn aveut cobén ene damjhele : c' est ene usteye di fier ki s' agritchive å crama; li boket do dzeu agritchî å crama, did la deus bresses ki dschindèt, et å dzo on boket d' coûtchî kelzès radjond, å mitan do boket d' coûtchî i gn a-st on rond (di coûtchî eto).
