Escô

Èn årtike di Wikipedia.

Escô
Longueur	430 km
Hôteur å sourdant	95 m
Debit moyén	120 m³/s
Sitindêye del vå	21.860 km²
Sourdant	France
S' egoline dins	Mer do Nôr
Passe pa	France, Beldjike

L'Escô (fr: Escaut, nl: Schelde) est ene aiwe ki prind sourd près di Gouy (Aisne, France) et triviesse li Beldjike. Dins l' tins, il aveut deus bresses, mins seulmint li bresse coûtchantrece radjond co li Mer do Nôr, inte Breskens eyet Flessingue åzès Bas Payis. I fwait 350 km long.

C' est on fleuve k' a djouwé on grand role dins l' diswalpaedje economike eyet politike del Flande, do Braibant eyet do Hinnot dispoy li Moyinådje. Il est canålijhî et naiviåve a pårti di Cambrai et traviesse Valenciennes el France, Tournai, Gand eyet Anvers el Beldjike.

I gn a kékès 250 sicluzes ey astantches so s' tradjet eyet l' ci des aiwes ki s' î vnèt-st agoliner, emey les kénes on pout lomer li Scarpe, li Lys eyet li Sensée.

C' est on fleuve londjin et waire poûxhant ki les marêyes fijhèt sinti leu-z influyince disk' a 160 kilometes lon di l' egolineure el Mer do Nôr. Si estuwaire fwait pluzieurs kilometes lådje, eyet les brohisses k' î gn a ofrèt-st ene nouzome ritchesse ecolodjike.