Dismetaedje del hantche ås biesses
Èn årtike di Wikipedia.
Li dismetaedje del hantche pout ariver ås biesses.
Et copurade :
- ås tchéns, aprume les cis k' ont ddja on splawnaedje del hantche.
- ås vatches, k' on lome çoula li disclonaedje.
Li schipêye-foû makete do femur si pout rtrover (eneviè l' djonteure) :
- ådzeu et padvant : 90 åcint des cas ås tchéns, et 50 åcint des cas ås vatches. Li malåde pate avize pus coûte ki l' ôte.
- ådzo et padrî : 10 åcint des cas ås tchéns, et 50 åcint des cas ås vatches. Li malåde pate shonne pus longue ki l' ôte.
- ådzeu et padrî : foirt råle.
- ådzo et padvant : foirt råle.
Il est rekis d' bén comprinde li pôzicion del makete do femur k' a ridé foû, po fé les bons movmints pol rimete e s' plaece, ås tchéns, metans.
