Sylvère Maes
From Wikipedia
Sylvère Maes (Zevekote, 27 ogustus 1909 - Ostende, 5 december 1966) wos een West-Vlamsche coureur.
't Êeste joar datn prof wos, wontn ol Paris-Roubaix, in de sprint tegen Félicien Vervaecke (1933). Doarachter concentreerde Maes nem voerol op de Tour de France. In 1934 wos Maes den ênigstn Belg die een etappe won. In 1936 wontn 4 etappes en oek de eindzege in de Tour. Oek in 1937 adde Maes kun winn. Moa de Belgsche ploeg gaf collectief op (mè Maes in 't geel), omdat de koersdirecsje de Fransche favorittn vôorntrok: Lapébie angde in de cols achter d'otto's en da muchtte ollemoale.
In 1939 won Maes ze twèddn Tour. Da joar wosn oek 'n bestn klemmer. Achter 'n Twèdn Weireldôorlog (in 1947) dei Maes op ze 37ste nog mei an de Roende van Italie: en oalde e schône 5de plekke. 't Joar doarop stoppnde mè koersn.
Achter z'n actieve carrière wos Maes ploegleider van de Belgen in de Tour de France van 1949 toet 1957.
[bewerk'n] Trivia
- De bienoame van Sylvère Maes wos Lepe Peer, omdatn zo lêep wos in de koers.
- Maes dei oek e café oopn in Gistel dat 'n Au Tourmalet noemde.
- Sylvère Maes is gè familie va Romain Maes (1913-1983), oek e coureur. Ze rêedn wel e poar joar tope op de piste.
