Roularta
From Wikipedia
Roularta, of vollut gezei de Roularta Media Group es een bedrif dat actief es in de Media, vôorol in weekbload'n, gazett'n en TV. Het bedrif es gevestigd in Roeseloare, moar eit ôok ofdêeliengn in Zellik en Brussel. Doarnoast zin ze ôok nog actief in Vrankrik, Olland, Duutsland, Nôorweegn en Slovenje.
[bewerk'n] Geschiedenisse
In 1954 begoste Willy De Nolf een klêene utgeverie-drukkerie in 't centrum va Roeseloare, da twêe platselikke weekbload'n utbrocht: De Roeseloarse Weekbode en Advertentie. Deur uitbreidinge over de hêele regio wos in 1960 Roularta utgegroeid tot de grôotste utgever va midd'n West-Vloandern. De groep weirdt verder utgebreid, êest in West-Vloandern, en ton de reste van Vloandern en leidde in 1969 tot een iploage van mêer dan 1 miljoen exemploaren.
In 1971 kwaamn ze me een nieuw product: kwaliteitsmagazines, 't best bekend es de Knack, moar andere producten woarn ôok van udder: Trends en Sport Magazine. In 1972 nam Rik de Nolf, zeune van, de leidinge over. Vanaf ton zett'n ze udder êeste stapp'n in de Woaln. Een aantol bekende noamn zin: Tendances, Le Vif /L'Express. Ondertussn koomn der ôok een aantal gespecialiseerde bloaden, vôorbeel Nest, een lifestyle magazine start in 2002.
Roularta oat ôok plann'n om in de audiovisuele weireld te goan: in 1987 stond'n ze mee an de wiege va VTM, de êeste commercieln omroep in Vloandern. Tot ip vandoage ein ze 50% van de andêeln in VMM (et moederbedrif va VTM). Ze zin ôok betrokk'n bie Kanaal Z, en de radio-zender Q-Music.
[bewerk'n] Product'n
Een klêene greep ut et anbod:
- Knack/Weekend Knack/Focus Knack: drie magazines voe de pries van êen
- Trends: voe de beleggers
- Royals: olles over 't keuningsuus
- Bizz: olles da je moe weet'n voe goe zoak'ns te kunn doen
- Cash: voe de zoak'nmenschn
- Plus Magazine: e magazine voe fiftigplussers, Plus Magazine wordt wok uutgegeevn in Olland
- Casas: vroeger oender de noame 'Ik Ga Bouwen'
- Sport/Voetbalmagazine
- Nest:'t blad da leeft met de seizoenn
- De Huisarts: nieuwsmagazine voe de dokteurs
- Grande: voe de die die geirn up reize goan
- Gentleman: e magazine voe de vintn
- Steps City Magazine
- De Krant van West-Vlaanderen
- De Zondag: een groatis gazette bie de pistolets ip zundagnucht'nd
- De Streekkrant/De Weekkrant, Tam-Tam, 't Fonteintje, De Wegwijzer
- Easy.be: oe je etwa zoekt, doa goa je 't viend'n