Michiel Hendryckx
From Wikipedia
Michiel Hendryckx (Adinkerke, 19 november 1951) es ne Belgischen persfotograaf.
Inoud |
[bewerk'n] Fotografie
Ie groeide ip De Panne woadat de sahara, e grôot duunncomplex teegn de grenze me Vrankriek, e diepn indruk ip hem gemakt eit. Ie wilde eigentlik kunstschilder wordn ma dat mocht niet van zin voader, die in de midd'nstand zat.
Ip z'n 18 joar ging 't ie goan studeren in Gent: ie volgde fotografie an de Gentse Academie. Achter e reize na Wales, woadat ie de schoonheid van de lichtschakeringn gewoarig werd, eit ie zin twêede joar pas eigentlik echt de microbe te pakk'n hed.
Loater werd ie freelance-persfotograaf vo de gazette De Gentenaar en in 1978 weird ie vaste angenoomn bie de VUM.
In 1991 eit ie zin werk e joar onderbrook'n. Ie makte ton te voet e grôte reize woarover dat ie in e joar later 't boek Twee Ezels schreef. Da joar gink 't ie weg bie de redactie van de Gentenaar en gink 't ie bie De Standaard goan werk'n. Tien joar lank wos 't ie fotoredacteur van 't DS-magazine. Sedert 2001 es ie were geweune fotograaf.
[bewerk'n] Televisie
In 2003 eit ie vo den televisie tegoare met Wim Opbrouck en Jean Blaute met de moteur nen hêeln tour gedoan in 't zuud'n van Europa. 't Reisprogramma noemdige De Bende van Wim en tôogde hoe dat die drie vint'n under zonder fietjefatjerie gejeund ein en vele dingn zin gaan ipzoek'n. De reekse werd goed ontvangn en e vervolg werd gemakt.
Ie presenteerde ôok het reisprogramma "Het Bourgondisch complot" woavoorn die ie me ne bôot vanuit Gent via riviern en kanaaln noa Bourgondië vaardige.
- De Bende van Wim (10-delig reisprogramma)
- Het Bourgondisch complot (10-delig reisprogramma)
- De Bende van Wim: het vervolg (10-delig reisprogramma)
[bewerk'n] Privé
Michiel Hendryckx es nôoit getrouwd gewist en eit gin kinders. Ie weunt an 't Genste Muinkpark. Ie eit zin erte verloorn in Vrankriek.