Kinepolis
From Wikipedia
Kinepolis, of beter Kinepolis Group es een bedrif da cinemazoalen utboat.
Inoud |
[bewerk'n] Geskiedenisse
In 1970 zin Albert Bert en Rose Claeys-Vereecke begonn'n met een klêenen moa sjieken cinema in Oarelbeke met 2 zoalen. t' Vernieuwende was da ze alles kosten bedienen met eine operateur. Ze probeerden denzelfden truck in het Ringshopping in Kuurne. Moa gien ein van die zoalen wierd echt rendoabel et werd gestopt achter 'n poar joaren.
In een twiède fase ein ze toon drie complexen heopend in Vloandern: de Trioscoop in Hasselt in '72 met 3 (loater 7 zoaln) , êen in Kortrik, de pentascoop me 5 zoalen in '75 en êen in Gent, de Decascoop (mè 10 zoaln) in '81. Z'oan veel vernieuwende ideeën, surtout deur hrôotere cinemacomplexen te willn bouwen die an skerpe kwaliteitseisn moest'n voldoen. Een êeste vôorbeeld wos de Kinepolis in Brussel, met 25 zoalen, een fenomenoal aantal in 1988. In 2006 ging'n de twjee familie uut elkoar: de familie Claeys verkocht ol eur andêel'n an externe investeerders.
[bewerk'n] Nu
Ondertussn es de Kinepolis Groep uthehroeid tot nen Europeesen speler, me zoaln in Belgje, Vrankrik, Spanje, Zwitserland en Pooln. In 1997 zin de Bert en Claeys groep hefuseerd tot de Kinepolis Group NV, en in 1998 zin ze noo de Beurse van Brussel hehoan met 25% van de andêeln. De liste van zoaln in Belgje:
- Kinepolis Brugge
- Kinepolis Brussel
- Kinepolis Hasselt
- Kinepolis Imagibraine
- Kinepolis Kortrik (es in de platse gekoomn van de Pentascoop)
- Kinepolis Leuvn
- Kinepolis Liège
- Metropolis Antwerpen
- Palace Liège
- Kinepolis Gent (de vroegere Decascoop)
[bewerk'n] Anbod
De films die deur Kinepolis getôond wordn zin biekan ollemoale (Amerikoanse) blockbusters. Ze probeern oek e bètje de cinefiel an te spreken mè klèndere filmptjes. Dat aanbod noemn ze "Cinémanie", moa 't bluft vriè beperkt.
Kinepolis eit wok een bitje de noame da ze de markt tevele domineren en doardeure klêendere onafhankelike cinemazoalen (en doarmee de alternatievere film) het leevn moeilik moaken.