Hill 60
From Wikipedia
- Dit artikel moe erschreevn worden in't Iepers.
Hill 60 (utsproake: il tjesteg (te plekke), Hil Siekstie (Iengels) is e plekke bie Zillebeke woa dat er zwoar gevocht'n is in 1sten Weireldoorlog. 't Lign nog ossan vele soldoat'n die nôojs evoen of begroavn zin.
Inoud |
[bewerk'n] Van woa komt die noame?
In 19sten êeuw en ze e tringliene emakt (Ieper-Komen) en e masse van de upegroavn eirde kwam up die plekke. De noame komt van ’t feit dat dien euvel juuste 60 meters boovn zêe-nieveau ligt.
[bewerk'n] ’t Belang va Hill 60
Iedern euvel wos va strategisch belang in ‘n Oorlog: je kut et slagveld vele beter overzien. Dus je ku goan peijzn dat 'n Duuts en de Geallieerdn nunder kapot evocht'n en voe Hill 60 in nunder macht te kriegn. De Duutsche kusn de Fransche verjoagn up 10 december 1914. Toen dan d' Iengelsche de Fransche up die plekke oflostn, wuln dedie Hill 60 veroovern. 'n Slag wos dêels oek oendergroens eleverd. In De Twède slag om Mêesn loagn d’r van de 19 ontplofte mien oek 2 oender Hill 60.
Vandoage is ’t nog ossan stief bezocht deur Iengelsche toerist'n - dikkers familie va veteroan. 't I doar oek e meseumtje juuste derbie.
[bewerk'n] Wie wost er boas up Hill 60?
- Êest woarn de Fransche boas
- Up 10 december 1914 wos ’t van de Duutsche
- 17 april 1915 is ’t veroverd deur de Iengelsche
- De Duutsche kwaamn were op 5 mei 1916
- Were van de Iengelsche up 7 juni 1917
- Nog ekè van de Duutsche in april 1918
- Te lange leste, were van de Iengelsche op 29 september 1918
[bewerk'n] 't Museum
Queen Victoria Rifles Museum:
je vient doa mitrajet'n en geweune gewirn, bajonetn, fottoos, diasn, klêers,...
Iedern dag oopn vant'n tien'n toet te zesn
Zworteleenstroate 40 - 8902 Zillebeke
Tillefong 057-20.62.76
(informoasje oender vôorbehoud: ze zin entwuk nieuws an 't bouwn - september 2006)
[bewerk'n] Hill 62
Hill 62 - oek e plekke woa da 't er zwoar gevocht'n is - ligt in 't geburte.
