Guido Gezelle
From Wikipedia
Guido Gezelle (Brugge, 1 meie 1830 – Kortrik, 27 november 1899) is e beken schriever van Belgie.
't Woas ne Vloamsen lierischen dichter en vertoaler. Iejis veural gekend veur zin gedichten in 't West-Vloams over de nature en zin beeldend toalgebruk.
Gezelle i geborn in Brugge. Derachter ginkt-ie na 't klin semenari in Roeseloare. 't Wa ewa ne roarn dus addie nieveel moaten, ma deur zin kontakt mee Ingelse leerlingn eetie Ingels kunn lern. Guido a veel zeer an z'n greut eufd. Achter 't klin seminari istem begunnen lesse geven in Roeseloare. Zin favoriete leerling wa Eugène van Oye (ie wildege da Eugène paster wierd, moan dien most nie van z'n moedre). Deurda Gezelle ep zukk'n perseunlikke maniere lessegaf ein ze em butengesmeten.
Jis hulppaster gewerden in Brugge. Doar attie een zwijgperiode terwijl dattie in Roeselare een bloeiperiode a. In Brugge eetie ander werk gedoan, ling 200.000 papierlingskes geskreven mee West-Vloamse uitdrukkingen en woorden. L. De Bo eeter tonks "Het West-Vlaams Idiotikon" van gemoakt. Gezelle a ôok een tydskriftje: "Loquela".
Derachter istie na Kortrik gegoan woar dattie tonks zin tweede bloeiperiode a. August Vermeylen ee den boek "Gezelle tot heden" geskreven en da is eigentlik een eerbeteun an Gezelle. August Vermeylen is dien van "Van Nu En Straks", woar da Guido Gezelle wok in de redactie zat van 1893 tot 1894. Bekend gedichtje van Guido Gezelle es "Dien avond en die roose". Da is geskreven vo Eugène Van Oye en moe em erinneren an z'n pasterroepinge.
'Noch nooit een blom zo schoon, van u'
gezocht, geplukt, gelezen,
als die dien avond blonk op u,
en mocht de mijne wezen!
Ofschoon, zoo wel voor mij als u,
- wie zal dit kwaad genezen? -
een uur bij mij, een uur bij u
niet lang een uur mag wezen;
ofschoon voor mij, ofschoon voor u,
zoo lief en uitgelezen,
die rooze, al was ‘t een roos van u,
niet lang een roos mocht wezen,
toch lang bewaart, dit zeg ik u,
‘t en ware ik ‘t al verloze,
mijn hert drie dierbare beelden: u,
dien avond - en - die roose!
ut "dien avond en die roose" Guido Gezelle
