De Dolle Brouwers
From Wikipedia
De dolle Brouwers Is ee brouwerieje uut Eejsn, neffest Diksmude, West-Vloandern.
Inoud |
[bewerk'n] Wa zin de sôort'n?
- Oerbier (9 %)
- Arabier (8 %)
- Boskeun (7 % )
- Dulle teve (10 % )
- Stille nacht (12 % )
- Stout (9 % )
[bewerk'n] Geschiednisse van de brouwerieje
De brouwerieje zeeve is gesticht in 1835 deur dokteur Louis Nevejan. Ee poar joar loater werd der doar ook ee stokerieje bie gezet. In 1882 werd de brouwerieje overgenoomn deur Alois Costenoble die der toe in 1927 brouwde. Doarachter pakte ze zeune, Louis, de brouwerieje over die der toe in 1957 brouwde. Doarachter werd der een ende nie gebrouwd int gebouw, toet dat in 1980 de brouwerieje gekocht werd deur de dolle brouwers die der sedertdien in brouwn.
[bewerk'n] Geschiednisse van de dolle brouwers
De geschiednisse van de dolle brouwers begunt eigenlijk met de dolle dravers. Ee klein fietsclubtje van ee man of 4: de broers Herteleer, Dirk Coussée en Bernard Veranneman. Der was èè voorwoarde voe lid te zien van de club en da was deur met de villo in èèn dag van Roeseloare no "Cap Gris Nez" en weere te rien. Oendanks dat de dolle dravers nie mi bestoan wordt de rit (die al sedert 1975 gereen wordt) alle joare gedoan. Doaneffest werden der ook klassiekers gereen me bergsjes à la de Kemmelberg derin.
In 1980 werdn de dolle dravers de dolle brouwers ton da ze ee leegstoande brouwerieje in Eejsn over paktegen. 't Gedacht was van der Oerbier te goan brouwn, up basis van ee recept da ze zeeve bedisseld en bie under tuus. Doaneffest en ze sedert dien tied nog ee poar soortn toegevoegd an under assortiment. Al tegoare brouwn ze apepri 1000hl per joar.
[bewerk'n] De brouwerieje bezoek'n
De brouwerieje in Eejsn ku je alle zundagachternoens ten drie'en bezoek'n. Ee bezoek kost 2,5 euro en deurt een eure. Achter 't bezoek ku je een oerbier proven in de bar (inbegrepen in de pries). Oje me groep'n ziet van meer of 30 man moe je reserveren.
[bewerk'n] Externe koppelienge
Categories: Brouwer | Bier | Drank
