Wikipedia:Êeste Gebrukersbieêenkomste
From Wikipedia
De Êeste Gebrukersbieêenkomste weird g'oud'n ip vridag 20 oktober 2006. Ton ein d'r en poar schrivers van den West-Vlamschn Wikipedia ofgesprook'n om ne kee tope te komn in Roeseloare om van gedacht'n te wisseln over da project woa damme ollemoale stif achter stoan. Da zin degene die ip 't appel woarn: D-rex, Foroa, Tbc en Patrick. Olleman von 't vree spitig dat Astro d'r nie bie koste zin, m'ein em gemist.
't Wos voo olleman den eerst'n kee damme malkander gezien ein. De sfeer wos uutstekend, m'ein vele van gedacht'n gewisseld en achter en poar pint'n kwoamn de toengn elegansn los en woarn me bikans nie mee t'oud'n. Gelukkig eit Foroa 't goe voorbeeld gegeevn (je koste wel nie anders, moa gauw :-) en eit-ie d'r voorn gezorgd da me nog ip en redelik eure tuus zin gerakt, zodat me de biejeenkomste ol bie ol nog mei maniern ein kun ofsluut'n.
Inoud |
[bewerk'n] Besprekienge
Concreet eime gebabbeld over:
- den tekst van Foroa over Doel en missie van den West-Vlamschn Wikipedia
- onderwerp'n die best nog vodder zoud'n moet'n uutgewerkt zin
- structeure en ipvolgienge van artikels en de web site in 't olgemeen
[bewerk'n] Doel en missie van den West-Vlamschn Wikipedia
- Me vond'n den tekst sterk en goe deurdacht.
- De missie legt misschiens entwod te vele nadruk ip 't vastlegn van toale en wordnschat, en te letter ip d' encyclopedische bedoelienge die uutendelik toch d'eerste bedoelienge van iedern Wikipedia zou moet'n zin.
- Volgens 't document vertoont de toestand van uze Wikipedia meer zwaktes dan sterktes. Me woarn nie ollemoale overtuugd da da ook zo es. Volgens Foroa zin de ipgesomde sterktes nie t'onderschat'n, en eitie deur de zwaktes ip te somn wiln antoon damme in gin ol te sterke positie zit'n, omdat vele bezoekers - zelfs d'echte West-Vloamiengn - uus project te letter serieus ippak'n. D'r es mei andere word'n nog werk an den wienkel ip 't vlak van uutstroalienge.
[bewerk'n] Vodder uut te werk'n onderwerp'n
- Uutwerkienge van uus economisch-socioal verleen. Foroa noemde bie noame:
-
- ipkomste en evolutie van de textielindustrie, textielmasjienen en spoanderploatindustrie die in West-Vloandern en essentiele rolle eit vervuld achter dat de vlasindustrie om zêepe gieng.
- de succesveroaln van bekende grote bedrivn lik Bekaert, Daikin, Deceuninck-plastics, Claeys, Packo, Barco, Vandewiele, Flandria, Vandemoortele en Picanol
- d'intensieve uutwisselienge van grensarbeiders tusschn 't Fransche en West-Vloandern die vele West-Vlamsche gezin meigemakt ein
- Uutwerkienge van uze geschiedenisse die voo e groot stik de geschiedenisse van 't middeleeuwse Vloandern es.
- Uutwerkienge van de West-Vlamsche literatuur die voo e groot stik de literatuur van 't vroegmiddeleeuwse Vloandern es.
- Uutwerkienge van Kunst in West-Vloandern, lik Beaufort 2006 en Watou.
- Over den istorischn band mei Frans-Vloandern ein me nu bikans niet'n. Diene band es d'r pertank ip vele vlak'n: toale, geschiedenisse, economie, cultuur...
- Besprekienge van de geologie en geografie van uze provincie. Van woa komt oes drienkwoater ?
- Beschrivienge van de typisch West-Vlamsche geoardheid. En poar voorbeeld'n: bescheid'n, gin babbeloars, arde werkers, eigenzinnigoards.
- Vodder anvuln van West-Vlamsche brouwerien.
- Vodder anvuln van West-Vlamsche BV's (Johan Bruyneel, Patrick Moenaert...)
[bewerk'n] Structeure en ipvolgienge van artikels
- Inoudelik sterke artikels moet'n d'r voorn zorgn damme sterk na buut'n kun komn. Wie da uus bezoekt, moe kun bieleern, en nie ollene over de West-Vlamsche toale.
- D-rex vindt da me meer schrivers nodig ein. Em en Astro zin momenteel de meest productieve schrivers. En poar meer gast'n d'r bie zou gin kwoad kun.
- 't Belang van e goede structeure en uniformiteit in spellienge es nie t'onderschat'n. Ne goein word'nboek AN-SV en SV-AN en verdere uutwerkienge van e goe toalbeleid (lik de SV-regels) zin volgens Foroa nodig om uze artikels voo nie-West-Vloamiengn toegankeliker te moak'n.
- Volgens Tbc zin goeie moderatoorn nodig om dat ollemoale goed t'ondersteun. Je peinst ook da m'uus an nog meer vandalisme meugn verwacht'n, surtout oeme meer bezoekers goan krign. T'es doamei dat'n voorstander es om meer kerngebrukers tot moderator te benoemn - en dat es nen iproep voo ol wie em geroep'n voelt.
[bewerk'n] Ofslutienge
Wie dat er bie wos, wos enthousiast en content da me mekoar gezien eine. De gesprek'n woarn constructief en da makt den band tusschn de schrivers sterker.
Me vond'n da me da nog ne kee moet'n doen, moa toen mei wa meer kerngebrukers dan nu. M'ein gin datum vastgelei voor e nieuwe biejeenkomste omda we niet'n wiln forceern. Eerst wiln me ne kee kik'n wuk dat de reacties zin van andere gebrukers.
