Sopresa vèneta

Da Wikipedia, ła ençiclopedia libara.

Ła sopresa vèneta l'è on insacà tipico vèneto che ghe soméja ai vari tipi de saładi che ghe xe intel nord Itałia.

[modifica] Come ła se fa

In tanto se parte dal mas·cio che 'l ga da frołarse na note prima de èsare laorà. Dopo che 'l xe stà tajà zó se va 'vanti a maxenar de ła carne e a misiarla col lardo e łe droghe (a discrezsion del mas·ciaro che fa su). Na 'olta misià, se toma ła carne par on bel toco fin ché no se vede che ła smisia l'è posto. A sto ponto se zónta, par chi vol, o el salnitro, par tègnere ła carne rosa, ma el faria male (l'è cancerogeno) e, se se vol, l'ajo par insaorirla. Dopo de che, ła se insaca intei buei de animal, evitando de doparare i buei finti che no i tegne łe propietà de ła carne. I tenpi de stazonadura i xe vari, a seconda che piaxa fresca o stazonà.

[modifica] Indicazsion par magnarla

Fresca xe mejo brustołà in teja parché no ła ga ła consistenzsa par magnarla crua.