Luigi Meneghello
Da Wikipedia, ła ençiclopedia libara.
Luigi Meneghello (nato a Malo, Vicenzsa, nel 1922) el xe uno scritor italian. El só primo libro, Libera nos a Malo del '63 el xe ritegnù 'ncora deso dai critici come una de łe opere leterarie piasè rapresentative del Nóvezsento. Dal só libro I piccoli maestri (1964) xe stà fato anca un film nel 1998 direto dal regista Daniele Lucchetti.
Indice |
[modifica] Vita
Nato a Malo nel 1922, un paexe de canpagna in provincia de Vicenzsa, Meneghello el frequenta l'Università de Padoa, in dove ch'el se làurea in fiłoxofia; ghe tóca però asàr lì i studi durante la guèra (tema che, insieme co' ła rexistenzsa, el vien contà in tel libro I piccoli maestri).
Ła particołare storia de Meneghello ła xe indicativa del personagio, soratuto dopo che ła fameja ła se trasferise da Malo a ła çità: dopo de 'ver frequentà i primi ani de liceo, Meneghello el se ritira parchè drìo lu i studi i xe "masa lenti" e el finise el liceo par conto suo, faxendo i ultimi dó ani in uno solo (difati el ciapa el diploma de maturità a soło sedex'ani). Dopo del'8 setenbre, Meneghello el entra a far parte, insieme co' i só conpagni sbandati, del Partito d'Azsion.
Nel 1947 el fonda e el dirige la càtedra de łeteratura itałiana al'Università de Reading in Inghiltera. Dal''80 el vive faxendo 'vanti e indrío tra Reading e Thiene, in dove el va a star na òlta par tute al'inizsio del 2000, quando ghe móre só mujér.
Ła poetica de Meneghello la xe particołarìsima: l'anbiente de paexe de Malo el fa da fonte d'ispirazsion par łe prime opere come Libera nos a Malo e Pomo Pero, caraterizsè da na lengoa tuta sua, na lengoa itałiana leteraria con contaminazsion dal diałeto vixentìn e con tante cólte citazsion inglexi. Łe tematiche łe và dal contar łe robe picenine che capita tra ła xente, ai episodi de fameja che zserca de conta, in vena umoristica, de na società contadina che al giòrno d'ancó ła stà sparendo, a łe storie de ła guera, par rivar in fine al periodo inglexe (del “Dispatrio”).
[modifica] Bibliografia
[modifica] Opere de Meneghello
- Libera nos a Malo, Mondadori, Milàn, 1963
- I piccoli maestri, Mondadori, Milàn, 1964
- Pomo Pero, Mondadori, Milàn, 1974
- Fiori italiani, Mondadori, Milàn, 1976
- L’acqua di Malo, Lubrina, 1986
- Il Tremaio. Note sull’interazione tra lingua e dialetto nelle scritture letterarie, Lubrina, 1986
- Jura, Garzanti, Milàn, 1987
- Bau-Sète!, Rizzoli, Milàn, 1988
- Leda e la schioppa, Moretti & Vitali, 1989
- Rivarotta, Moretti & Vitali, 1989
- Che fate quel giovane? , Moretti & Vitali, 1990
- Maredè, Maredè, Rizzoli, Milàn, 1991
- Il dispatrio, Rizzoli, Milàn, 1993
- Promemoria 1994
- Il Turbo e il Chiaro 1996
- La materia di Reading, Rizzoli, Milàn, 1997
- Le Carte. Volume I: Anni sessanta, Rizzoli, Milàn, 1999
- Le Carte. Volume II: Anni settanta, Rizzoli, Milàn, 2000
- Le Carte. Volume III: Anni ottanta, Rizzoli, Milàn, 2001
- Trapianti. Dall'inglese al vicentino, Rizzoli, Milàn, 2002
- Quaggiù nella biosfera. Tre saggi sul lievito poetico delle scritture, Rizzoli, Milàn, 2004
- La materia di Reading e altri reperti, Rizzoli, Milàn, 2005
[modifica] Opere su Meneghello
- AAVV, Su/Per Meneghello, Edizioni di Comunità, Milàn, a cura de Giulio Lepschy
