Indovineło Veronéxe

Da Wikipedia, ła ençiclopedia libara.

L'Indovinelo Veronexe el xe on testo scrito a mano su na pergamena in te l'VIII d. C.. El xe el primo testo volgare romanzo (I giuramenti de Strasburgo i xe datà çinquanta ani dopo) e secondo i studioxi raprexenta la prima testimoniansa de lengua volgare in Italia. In realtà el testo esendo sta scrito a Verona e contegnendo parole che xe de uxo escluxivo (tri)veneto el raprexenta la pì antiga testimoniansa scrita de la lengoa Veneta (e anca furse la dimostrasion che la lengoa italiana xe deriva da la lengoa veneta antiga).

El testo xe:

"Se pareba boves, alba pratàlia aràba et albo versòrio teneba, et negro sèmen seminaba gratias tibi agimus omnip[onten]s sempiterne d[eu]s" (origine sconosciuta)

Indice 1 Significato 2 Orixene 3 Concluxion 4 Voçi corelà 5 Bibliografia

[modifica] Significato

El xe on indovinelo bastansa comun in te la leteradura tardolatina, e rimanda a diverse interpretazioni. Coela che pì xe visin a la lengoa veneta xe el sintagma "SE PAREBA BOVES", se pol tradure in "[EL]SE PARECIAVA I BO" (le man) o "[EL] PARAVA I BO" nel senso de "MENARE", TRAR VANTI i dei che tien la pena in man. Come anca el termine "VERSORIO" xe asolutamente tipico de la Venetia (el Triveneto) e vol dir "VERSORO", "ARATRO".

El significato el podaria esar:
"[El] parava i bo / [el] arava bianchi pra e [el] menava on bianco versor / [el] semenava semensa mora."

Opure anca: "[El] se pareciava i bo / [el] arava bianchi pra e [el] menava on bianco versor / [el] semenava semensa mora."

[modifica] Orixene

Sto testo el xe sta descoerto dal Schiapparelli in te ła Biblioteca Capitolare de Verona in t'el 1924. El codexe el xe de proveniensa spagnoła, de Tołedo, portà a Càliari, dopo a Pisa e infin l'è rivà a Verona. Xe sta fato on exame fiłologico del test che el dimostra che ghe xe trati tipiçi veronexi e veneti (versorio = versor e i verbi all'imperfeto indicativo in -eba invece dell'-aba o ava de altri dialetti)

[modifica] Concluxion

L''Indovineło de Verona el raprexentà na picoła grande testimoniansa de la Łengoa Veneta in te on periodo storego de forte evolusion e de contaminasion germanica. El xe scrito in te on periodo indove la Venesia xe ancora soto dominasion dei germani coatro secoli dopo che xe scumisià le grande migrasion germaniche. I popoli Veneti gradulmente se fonde coi novi popoli germanici rivà prinçipalmente so la fasa pedemontana (invese le pianure xe ancora intensamente abità dai Veneti, pì pratighi del mondo acoatico, anca se la destabilixasion politega de sti ani ga portà al pejoramento de le canpagne: aluvion, insabiamento de canai, alagamento dei palui e aumento dei boschi de paluo) El sostrato venetico el rexiste e rende el Veneto arcaico ancora na lengoa ben distinta da le altre lengoe europee. I studioxi xe concordi in t'el dire che l'indovinelo de verona el xe el framento, tra cuei ancora existenti de ch'el periodo, pì moderno e pì distante dal latin. Xe par coelo che pur esendo ciaramente on testo Veneto, el vien unanimente riconosù come la prima testimoniansa scrita de volgare talian.

[modifica] Voçi corelà

[modifica] Bibliografia

• Cortellazzo, M. A e Paccagnella, I. "Il Veneto" in: L'italiano nelle regioni a cura di F.Bruni. UTET, 1997.