El Bo
Da Wikipedia, ła ençiclopedia libara.
Palazso Bo, o mejo "El Bo" come che i lo ciama tuti quanti, xe ła sede de l'Università de Padoa dal 1493. El xe stà regalà in te'l 1405 a un macellaio da Francesco Carraresi, Signor de Padoa, come pagamento de łe derrate de carne che sto macellaio el gavéa dato durante l'asedio de ła çità. Ła propietà de l'"Albergo del Bove" ła xe pasà nel 1539 al'università, che quindi ła gà tolto come simboło el teschio de bo.
Deso el Bo xe ła sede del retorato, de ła facoltà de Giurisprudenzsa e de łe aule de raprexentanzsa de łe altre facoltà. In te'l córte vecia e in te łe aule storiche se pol védar centinaia de stèmi nobiłiari e de busti de profesori e de studenti che sà sucedù in te i secołi. Ghe xe ncora conservà ła catedra de Galileo, l'antico teatro anatomico del 1594, che xe stà el primo al mondo, e ła statua de Elena Lucrezia Cornaro, prima dòna laureà del mondo.
