Aiuto:Convenzsion de scritura
Da Wikipedia, ła ençiclopedia libara.
A ghe xe tante difarense ne ła scritura in łengua veneta! Ła scritura a Padova no ła xe come a Venezsia! On wiki in veneto el ga da esare bon par tute łe variazsion locałi - e el dovarìa anca esare bon de spiegarghe a chi lese parché ghe xe 'ste difarense.
Indice |
[modifica] Manual Gramaticałe Xenerałe de ła Łéngua Vèneta e łe só varianse
In te'l Manual Gramaticałe Xenerałe de ła Łéngua Vèneta e łe só varianse de Michele Brunelli a se cata on modo de scritura tra i pì doparai e de pù fasiłe conprension.
[modifica] Note de baxe
Par la regoła de scritura łe va ben łe regoułe ke łe viegn:
- ł - bisogna metarła senpre tra vocałi (no metare però ła "£"! Anca parché on foreste el pò pensar ke sia no scherso). No se dòpara in parołe foreste, anca se połe èsare sugerío da ła pronunzsia.
- j - bisogna metare ła "j" co ke se dixe na "i consonantica" (parxenpio en tałian co ke na paroła ła gà na "gl" e ke en veneto se pò dire come na "i" o come na "gi" - maja (pronunzsia: maia o màgia) , faméja (pron. faméia o famégia)
- zs - senpre co ke na paroła ła gà en certe xone ła pronunzsia interdentałe (senpre parxenpio nteła paroła "nazsion" , "razsa=razza")
- z - Anca quà se uxa co ke ghe xe difarenzse tra pronunzsia interdental e no (i zeri, meze mate)
- qû - no el xe oblogatorio anca parché xe raro
- x - in tuti i caxi de s "dolzse" che no vaga scrita zx. (par exenpio: xe, ti xeri, el méxe, caxa) Xe difarente da s!
- s - ła vien senpre pronunzsià "dura" ma veloce confá ne ła paroła sałe, anca fra do vocałi (p.ex: saso, Mésa, rasa=gratta).
- np e nb - en veneto quel ke en tałian xe "mp" en veneto xe "NP" (tenpo)
- gnente dopie!
[modifica] Altre convenzsion no de scritura
- s-c - mejo scrívarle uníe, no ga senso separarle, stante che par vèneto cubiá no łe vol dir gnente de particołar.
- Par vèneto el plural de tante parołe el połe vere el canbio de vocal, no in tuti i diałeti. In sto caxo se preferizse asar indicá łome che ła O co l'acento acudo, asandoghe ai łetóri de canbiar ła proninzsia "a récia".
- Sicome che se sbałia asè, ricordémo che el plural de na paroa feminil in -e resta in -e.
- Se preferizse no indicar ła -e facoltativa 'te łe parołe che łe terminaría par -ne, -re, -le. 'Ntei altri caxi ła ndaría mantegnú.
[modifica] Açenti
- L'açento regołar el casca sora l'última síłaba 'nte łe parołe che łe finizse par consonante e inte ła penúltima 'ne quełe che finizse par vocal. In tuti i caxi de acento inregołar, cogne endegarlo.
- Sora O e E se mete l'acento acudo o grave, conforme ła pronunzsia.
- Sora A, I, U se preferizse l'acento acudo, par uniformitá e parché cusí se costuma en altre łengue sorełe confá spagnoło e portughexe. L'acento grave no xe comunque eror.
- Ocor indicar senpre l'acento acudo tònico sora nómi e agetivi. Par łe altre parołe, łome che se no łe xe de uxo comun o łe xe típiche soło che de una variante.
[modifica] Transliterazsion
Par venetixar parołe internazsionałi che vien da greco o łatin, se cosidera ste règołe:
- PT e CT deventa T
- TC e XC deventa C
- CE e CI deventa ZSE e ZSI
- TIA, TIE, TIO, TIU deventa ZSIA, ZSIE, ZSIO e ZSIU
- PS deventa S
- EA, EO, EU
[modifica] Altre convension
Altre convenzsiouni:
- en veneto el plural de tante parołe łe gà el canbio de vocałe, ma no el capita en tuti i diałeti:
- ou - sta qua pò èsare na convenzsion par no crear problemi (parxenpio: "el dotor" > "i doutouri" = "i dotori"+"i doturi")
- ei - anca sta qua ła pol èser na convenzsion par no crear problemi (p.ex: "el segno" > "i seigni" = "i segni"+"i signi" ; "el paexe" > "i paeixi" = "i paexi"+"i paixi" ; "el vedéa" > "te vedeivi" = "te vedevi"+"te vedivi")
- b e v - co ke ghe en tałian na "b" o na "bb" prima o dopo na consonante en veneto ła diventa "v", fora ke a inizsio de paroła (parxenpio: "el lavro" > "il labbro", "servo" > "serbo")
- on e un - i se pò uxare tuti e doi
- co e con - "co" xe en tałian "quando" e "con" łe come en tałian
- ki e ke - no el xe obligatorio scrivare "ki" e "ke" con la "k"
- pì e pù - i se pò uxare tuti e doi (en tałian "più")
- in e en - i se pò uxare tuti e doi
- łéngoa e łéngua - i se pò uxare tuti e doi, ma ła pronunzsia ła xe pù come na "o"
- doi , du e dó - tute tre forme maschiłi vałide (ma fem. dó senpre)
[modifica] Varianse del Veneto
Se pò anca discuter tuti insieme par dezsìdare se bixogna métare ancora o cavare dełe règoułe
- Triestin, Trentin e Orobico: se ki scrive e parla en triestin, trentin o orobico e el trova dificultà a lexare e conprendare quel ke ghe stà scrìo en veneto redjonal pò dezsidare de far na version anca ntel sò diałeto (parxenpio: Veneto > Veneto/trentin) - sta roba pò esare fata anca se capita na roba contraria. I triestini, i trentini e i orobici i se fan ała propia scritura e parxenpio on trentin o on orobico el pò scrivare con le "Z" e łe "Ü".
