Briscoła
Da Wikipedia, ła ençiclopedia libara.
Briscoła xè un xugo de carte difusisimo in tuta Itałia ma sopratuto en Veneto.
Se xuga in 2 o 4 , ma ghe xè anca varianti con 3 o 5 xugadori, con un maxo de carte (prafaribilmente Trevisane!) da 40. Mescołate łe carte, bisogna darne tre a xugador, e una va mesa sotto el maso de łe carte coperte. Questa xe ciamà briscoła, e el seme de sta carta vinse sempre. Scopo del xugo xè suparar i 60 punti, che xe fanno racojendo łe carte, secondo ła regola de ła carta-briscoła sovra spiegata. Se tra łe carte getae in una man no ghe xe briscołe, se xuga con seme pì forte qûeło che ga scominsià el turno. Ecco el vałore de łe carte 'nte ła briscoła:
- Aso: 11 punti
- Tre: 10 punti
- Re: 4 punti
- Cavało: 3 punti
- Fante: 2 punti
- Tute le altre: 0 punti
Łe prime do carte, l'Aso e el Tre se ciamà Càreghi , łe carte che vale zero xe ciamà scartini, scartełe o lisci. Tajar vol dire meter sul tavoło 'na carta-briscoła.
