Pot Mosbi
From Wikipedia
Pot Mosbi (o, Port Moresby) em i wanpela taun long Papua Niugini. Em i kapitol long kantri Papua Niugini; olgeta opis bilong nesional gavman i stap insait long Mosbi. Emi stap insait long NCD na tu emi kapitol bilong Central Provins.
Mosbi em i nambawan bikpela taun bilong Papua Niugini. Long yia 1990 193,242 manmeri i bin stap long Mosbi na maebi 250,000 i slip long hap nau. Papua Niugini i kamap, nau planti manmeri i kam bilong wok long Mosbi. Olgeta hap long kantri ol i kam. Olgeta niuspepa na television na redio na planti beng na planti bisnis i stap long Mosbi. Mosbi i gat bikpela wok bilong Papua Niugini.
[edit] Ol liklik hap
Insait long Mosbi siti igat planti ol liklik hap. Planti ol bikpela bisnis istap long Mosbi Taun. Planti ol opis bilong gavman, na Palamen, istap long Waigani. Igat planti bisnis na stua long Boroko. Na tu igat Tuaguba, Koki (na maket bilong em), Badili, Gabutu, Konedobu, Matirogo, Tri Mail, Kaugere, Korobosea, Fo Mail, Gordons (wantaim bikpela maket), Erima, Hohola, Morata, Gerehu, Faiv Mail, Siks Mail, Et Mail, Nain Mail, na tu ol peles olsem Hanuabada bilong ol Motu lain.
