Eduardo V. Manalo
Mula sa Tagalog Wikipedia, ang malayang ensiklopedya.
Si Eduardo Villanueva Manalo, (ipinanganak Oktubre 31, 1955) kilala bilang "Ka Eddie" at "Eddie Boy", sa kasalukuyan ay ang Pangalawang Punong Ministro ng Iglesia ni Cristo (INC). Siya ay apo ng tagapagtatag ng INC na si Felix Manalo at anak ng kasalukuyang Punong Ministro Eraño G. Manalo. Si Cristina Villanueva ang kanyang ina.
Siya ay aktibong sumusuporta sa amateur radio [1] at nangasiwa siya ng isang radio frequency bulletin board service noong mga panahon na ang internet ay di pa nakakaabot sa Pilipinas.
Malaki ang naambag niya sa pagkakatatag ng isang organisasyon sa loob ng INC, ang Association of Christians in Information Technology (AsCII), isang organisasyon ng mga miyembro ng INC na nasa larangan ng teknolohiyang pang-impormasyon upang magtaguyod ng tulong sa simbahan ukol sa mga bagay na may kinalaman sa kompyuter.
[baguhin] Pampulitikang impluwensya sa Pilipinas
Ayon sa libro ni Armando Doronilla na The Fall of Joseph Estrada: The Inside Story, (ISBN 9712711544; mga pahina 226-227) – at mga ulat sa pahayagan (Philippine Daily Inquirer, Mayo 7, 2001), nasangkot si Manalo sa pagtatangkang rebelyon noong Mayo 1, 2001 ng oposisyon laban kay Pangulong Gloria Macapagal-Arroyo Kadalasang tinatawag na EDSA III ang pangyayaring ito. Sa tantiya ng mga awtoridad, bumibilang sa 70% sa kabuuang ng mga nag-martsa sa EDSA (Epifanio de los Santos Avenue) ang mga kasapi ng INC. [2]. Nagpunta sila sa EDSA para tutulan ang pagkaka-aresto kay Joseph Estrada na tinaggal sa pagka-pangulo ng naunang EDSA II. Pagkatapos ng protesta, walang inihain na demanda laban kay Manalo o sa INC.
