Dalagang Ilocana
Mula sa Tagalog Wikipedia, ang malayang ensiklopedya.
Ang Dalagang Ilocana ay isang pelikulang Pilipino na ang kauna-unahang pelikulang komedya na nagkamit ng parangal bilang Pinakamahusay na Artistang Babae noong 1954 na nakamit ni Gloria Romero sa FAMAS. Ito ay gawa ng Sampaguita Pictures at katambal niya rito si Ernesto Ric Rodrigo at kaagaw naman niya kay Gloria sa panliligaw ay si Fermin Rudy Francisco.
Kuwela rin si Dolphy bilang Ilocanong pinsan ni Gloria at tiyak kasusuklaman ninyo ang papel ni Rebecca del Rio bilang kontrabidang walang ginawa kundi gumawa ng kasinungalingan para maghiwalay ang dalawa. Magaling din si Eddie Garcia bilang katipan ni Rebecca at ang gumanap na lola na si Marcela Garcia ay magaling din bilang lolang Ilocana ni Gloria at si Precy Ortega na kanyang bunsong kapatid.
Maraming nakatutuwang eksena tulad ng pagkarera nina Rudy Francisco at Gloria Romeo kasama si Dolphy sa iisang kalabaw. Hindi rin matatawaran ang papel ng isang hikaing ama ni Ric Rodrigo na si Horacio Morelos na ang tanging gamot sa hika ay ang tabako ni Biday.
Inawit ni Ric Rodrigo ang awiting "Dung-dungwen Canto" sa bandang huli ng pelikula, si Dolphy naman ang "Binatang Ilocano" at Gloria sa awiting "Ang Dalagang Ilocana" na kung papansinin ay makikita sa mga lady boarder ang mga baguhang artistang sina Celia Fuentes at Tita de Villa.
Dapat lang na bigyan ng parangal at ipalabas sa mga Tanghalan ang pelikulang ito dahil sinasaad sa nasabing pelikula ang pagka tunay na kaugaliang Pilipino sa bukid man o probinsiya.
