Boy Scouts of the Philippines
Mula sa Tagalog Wikipedia, ang malayang ensiklopedya.
Ang Boy Scouts of the Philippines (BSP) o ang Kapatirang Scout ng Pilipinas ay ang pambansang asosasyon ng mga kalalakihang scout sa Pilipinas. Ito ay nabuo sa bisa ng Philippine Commonwealth Act No. 111 na isinulong noong ika-31 ng Oktubre, 1936. Ang kasalukuyang asosasyon ay nagmula sa Philippine Council na pinangasiwaan ng Boy Scouts of America.
Ang BSP ay mayroong mga sumusunod na programa:
- KID Scout (Kabataang Imumulat Diwa), para sa edad 5 hangang 6.
- KAB Scout (Kabataang Alay sa Bayan), para sa edad 7 hangang 10.
- Boy Scout, para sa edad 10 hangang 17.
- Senior Scout, para sa edad 13 hangang 17.
- Rover Scout, para sa edad 17 hangang 23. Maaring salihan ng mga kababaihan.
[baguhin] Kasaysayan
Ang kasaysayan ng Scouting sa Pilipinas ay nagsisimula sa 1914 noong binuo ang Lorillard Spencer Troop sa Zamboanga ni Lieutenant Sherman Kiser, isang Amerikano miyembro ng US Navy.
Si Sherman Kiser ay nagsilbing escort para kay Caroline Spencer, isang Amerikanang charity worker sa Sulu. Ang anak ni Caroline na si Lorillard Spencer ay isang Boy Scout sa Amerika, at naibahagi ni Ginang Spencer na malaki ang maitutulong ng Scouting sa mga kabataan sa Sulu. Sa pamamagitan nitong usapan naisipan ni Kiser na bumuo ng isang troop sa tulong ni Ginang Spencer, pero nalipat ang assignment ni Kiser sa Zamboanga bago natupad ang kanyang mga ipinaplano. Bagamat nalipat si Kiser sa Zamboanga, itinuloy niya ang bagbuo ng troop. At nang mabuo ito, binalitaan niya si Ginang Spencer na agad-agad nagbigay ng pera upang makabili ng mga uniporme at makapagpatayo ng headquarters.
1923, nabuo ng Philippine Council, BSA sa pamamagitan ng pagsulat ng Rotary Club ng Maynila.
