ఘంటసాల వెంకటేశ్వరరావు
వికీపీడియా నుండి
ఘంటసాల వెంకటేశ్వరరావు (1922, డిసెంబర్ 4 - 1974) ప్రముఖ తెలుగు సినిమా సంగీత దర్శకుడు మరియు నేపథ్య గాయకుడు. వి.ఏ.కె.రంగారావు అన్నట్టు ఘంటసాల జన్మతహ వచ్చిన గంభీరమైన స్వరముతో, మరియు పట్రాయని సీతారామశాస్త్రి (సాలూరు చిన్న గురువు) వద్ద క్షుణ్ణమైన శాస్త్రీయ సంగీత శిక్షణతో ఈయన తెలుగు సినీ సంగీతము ఒక విభిన్నమైన వ్యక్తిత్వాన్ని సంతరించుకోవడానికి దోహదపడ్డాడు. ఈయన అర్ధ శతాబ్దముపాటు తెలుగు సినిమా పాటలకు గాత్రదానము చేశాడు. ఘంటసాల తెలుగు సినిమా తొలితరము నేపధ్యగాయకులలో ప్రముఖుడు.
ఘంటసాల 1922 డిసెంబర్ 4 న గుడివాడ సమీపములోని చౌటపల్లి గ్రామములో ఘంటసాల సూర్యనారాయణ, రత్నమ్మ దంపతులకు జన్మించాడు. ఈయన తండ్రి ఘంటసాల 11వ యేట మరణిస్తూ సంగీతము యొక్క మహోన్నతను గురించి చెప్పిన మాటలే తన జీవితాన్ని సంగీత సాధనలో నడిపించాయని ఆయన భావించాడు.
స్వాతంత్ర్య సమరయోధునిగా క్విట్ ఇండియా ఉద్యమములో పాల్గొని ఈయన రెండు సంవత్సరాలు అలీపూర్ జైల్లో నిర్బంధములో ఉన్నాడు. తిరుమల తిరుపతి దేవస్థానము ఆస్థాన గాయకునిగా కూడా పనిచేశాడు. పద్మశ్రీ పురస్కారమును పొందాడు.
భగవద్గీత, దేశభక్తి గీతాలు, పద్యాలు, సినీగీతాలు, జానపద గీతాలు లలిత గీతాలు మొదలైనవి ఎన్నో ఘంటసాలతో గళ సాంగత్యం చేసాయి. సినిమాలో అభినయించే కధానాయకుడికి తగినట్టు గాత్రాన్ని, స్వరాన్ని మార్చే ప్రక్రియకు ఆయనే ఆద్యుడు. అందుకేనేమో చాలా మంది రేడియోలో ఘంటసాల పాటలు వింటూనే తమ అభిమాన నాయకులను అభినయిస్తూ ఉంటారు. అంతటి గాత్ర తేజస్సు ఘంటసాలది.
[మార్చు] పేరు పొందినవి
- నేపథ్య గాయకునిగా మరియు సంగీత దర్శకునిగా
- షావుకారు
- పాతాల భైరవి
- మాయాబజార్
- గుండమ్మ కథ
- లవకుశ
- రహస్యం
- గుడిగంటలు
- నేపథ్య గాయకునిగా
- దేవదాసు
- కన్యాశుల్కం
- దొంగరాముడు
- తోడికోడలు
- డాక్టర్ చక్రవర్తి
- ఇద్దరు మిత్రులు
- అప్పు చేసి పప్పు కూడు
- జగదేకవీరుని కధ
- మూగమనసులు
- మంచిమనసులు
- భక్త జయదేవ
- మహాకవి కాళిదాసు
- భక్త తుకారాం
- పాండురంగ మహత్యం
- ఆరాధన
- ఆత్మబలం
- ప్రేమ నగర్
- బంగారు బాబు
- ప్రైవేటు ఆల్బములు
- పుష్ప విలాపం
- దేశభక్తి గీతాలు
- భగవద్గీత
- భక్తి గీతాలు