Gain

Ti Wikipédia, énsiklopédi bébas

Keur kagunaan séjén, tempo Gain (disambiguasi).

Dina éléktronika, gain biasana dihartikeun perbandingan kaluaran sinyal hiji sistim dibandingkeun jeung asupan sinyal sistim éta. Gain lima nunjukkeun yén voltase atawa data naék saloba faktor lima (lima kali). Hal ieu miboga aplikasi nu lega dina panguat.

[édit] Unit logaritmis jeung désibel

Dina éléktronika, geus ilahar migunakeun unit logaritmis keur ngukur gain. Dasarna bel nyaéta migunakeun:

Gain = log₁₀(P₂/P₁) bel

numana P1 jeung P2 patuturut mangrupakeun daya asupan jeung kaluaran.

Migunakeun unit bel, kanyataannana jumlah hasilna sok saeutik, ku sabab éta nu kasohor nyaéta migunakeun decibel (sapersapuluh bel). Kusabab bel teh sapuluh decibel (dB) mangka:

Gain = 10 * log₁₀(P₂/P₁) dB

(Unit nu sarua migunakeun logaritma alami disebut neper.)

Nalika gain diitung migunakeun tegangan tur lain daya, mangka kudu diganti ku (P=V²/R), rumusna jadi:

• Gain = 10 * log ((V₂²/R) /(V₁²/R) ) dB

• Gain = 10 * log ((V₂/V₁)² ) dB

• Gain = 20 * log (V₂/V₁) dB

Rumus ieu ukur bener lamun beban impedansina sarua. Dina kalolobaan parabot éléktonik modéren, impedansi kaluaran cukup leutik sarta impedansi asupan cukup gedé sahingga beban bisa teu dianggep tampa mangaruhan teuing pangitungan.

[édit] Conto

Lamun panguat ngahasilkeun kaluaran 1 volt dina beban 1 ohm, mangka bakal ngahasilkeun 1 watt kana daya kaluarannana. Lamun panguat satuluyna robah jadi ngahasilkeun kaluaran 10 volt kalayan beban anu sarua, mangka kiwari hasilna jadi watt kaluaran dayana (P = V² / R). Jadi:

gain tegangan = 10 kali
gain daya = 100 kali

— numana sacara définisi bisa disebutkeun yén gain-na 20 dB.

Gain faktor 1 atawa (sarua jeung 0 dB) dimana asupan jeung kaluaran miboga tegangan nu sarua disebut gain hiji.

[édit] Tempo ogé

• Kaluaran daya transmiter
• Gain absolut
• Loop gain
• Insertion gain
• Gain diréktif
• Gain pamrosésan sinyal
• Net gain
• Automatic gain control (AGC)
• Karugian, Aperture-to-medium coupling loss, Effective radiated power