Salentu (riggiuni)
From Wikipedia
Lu Salentu geograficamenti è dda zona chi s'attrova nnâ parti chiù miridiunali dâ Pugghia e chi si pò idintificari cu la Pinìsula Salentina, la vecchia terra d'Otrantu. Nni fa parti tutta la pruvincia di Lecci, quasi tutta la pruvincia di Brìndisi e parti di la pruvincia di Tàrantu. Lu cunfini sittintriunali, cuincidi cu la linia chi junci la cità di Stuni a chidda di Tàrantu. Supra tali cunfini la lingua e la cultura sunnu di tipu pugghisi o miridiunali; sutta, nveci, la lingua è lu salentinu, dialettu chi, cu li so' nummarusi varietati, fà parti di lu "miridiunali stremu", ossìa di la stissa famigghia di li parrati siciliani e calabbrisi.
Ìndici |
[cancia] Cultura
La pinìsula salentina è culturalmenti na ìsula. Nfatti sta riggiuni nun è pi nenti assimilàbbili a la Pugghia, nè sutta lu puntu di vista linguìsticu, nè sutta chiddu architettònicu, nè di l'usi e custumi. La lingua prisenta la vucalità tìpica di la lingua siciliana, quinni cumpletamenti strania a li lingui pugghisi. Lu paisaggiu architettònicu è di tipu grecu, cu na priduminanza assuluta di li casi bianchi pittati cu la cuacina, senza tettu, suprattuttu 'n campagna e nta la costa; li centri stòrici sunnu carattirizzati di n'eredità spagnola, lu Baroccu, chi nnô Salentu pigghia carattirìstichi propî, facennu usu di la lucali petra liccisi (lu leccisu, 'n dialettu salentinu). L'architittura pugghisi, nveci, è rapprisintata suprattuttu di lu Romànicu.
[cancia] Lingui e dialetti
[cancia] Riggiuni Salentu
Duranti la Custituenti, si discutìu di la pussibbilità di fari dui riggiuni diffirenti: la Pugghia e lu Salentu. Però finìu ca nun si nni fici nenti pirchì quarchi pulìticu mpurtanti, primu ntra tutti Aldu Moro, era furtimenti cuntrariu.
Lu 24 di jinnaru dû 2006, pressu lu saluni di rapprisintanza di la pruvincia di Brìndisi, si tinni na mpurtanti riunioni ntra li tri prisidenti di li pruvincî di Lecci, Brìndisi e Tarantu, e li tri sìnnaci di li rispittivi cità capulocu, pi discùrriri dû pruggettu dû "Grande Salento".
[cancia] Elencu di li cumuna salentini
- di la Pruvincia di Lecci:
Acquarica del Capo, Alessano, Alezio, Alliste, Andrano, Aradeo, Arnesanu, Bagnolo del Salento, Butrugnu, Calimera, Campi Salentina, Cannole, Caprarica di Lecce, Carmianu, Carpignano Salentino, Casaranu, Castri di Lecce, Castrignano de' Greci, Castrignano del Capo, Castro, Cavallinu, Collepasso, Cupertinu, Corigliano d'Otranto, Corsano, Cursi, Cutrufianu, Diso, Gagliano del Capo, Galatina, Galatune, Gallipoli, Giuggianello, Giurdignano, Guagnano, Lecci, Lequile, Leverano, Lizzanello, Maglie, Martano, Martignano, Matino, Melendugnu, Melissano, Melpignanu, Miggiano, Minervino di Lecce, Monteroni di Lecce, Montesano Salentino, Morciano di Leuca, Muru Leccese, Nardò, Nianu, Nociglia, Novoli, Ortelle, Otranto, Palmariggi, Parabita, Patù, Poggiardu, Cesariu, Presicce, Racale, Ruffano, Salice Salentino, Salve, San Cassiano, San Cesario di Lecce, San Donato di Lecce, San Pietro in Lama, Sanarica, Sannicola, Santa Cesarea Terme, Scorrano, Seclì, Sogliano Cavour, Soleto, Specchia, Spongano, Squinzano, Sternatia, Supersano, Surano, Surbu, Taurisano, Taviano, Tiggiano, Trepuzzi, Tricase, Tuglie, Ugento, Uggiano la Chiesa, Veglie, Vernole, Zollino.
- di la Pruvincia di Brìndisi:
Brindisi, Carvignu, Cellinu Santu Marcu, Cegghi Messapica, Erchie, Francavidda Funtana, Latianu, Misciagni, Oria, Stuni, Santu Donaci, Santu Micheli Salentinu, Santu Pancraziu Salentinu, Santu Piethru Vernoticu, Santu Vitu di Nurmanni, Torchiarulu, Torre Santa Susanna, Villa Castieddi.
- di la Pruvincia di Tàrantu:
Avetrana, Carosinu, Faggianu, Fragagnanu, Grottaglie, Leporanu, Lizzanu, Manduria, Maruggiu, Monteiasi, Montemesola, Monteparanu, Pulsanu, Roccaforzata, Santu Giorgiu Ionicu, Santu Marzanu di Santu Giuseppe, Sava, Tàrantu, Torricella.
