Grammicheli
From Wikipedia
Grammicheli | |
Muttu: | |
Nomu ufficiali: | Grammichele |
---|---|
Pruvincia: | Catania (CT) |
Superfici: | 30 km² |
Abbitanti: | 12.661 |
Dinzitati: | 422 ab./km² |
Cumuni cunfinanti: | Caltagiruni, Licodia Eubea, Miniu |
CAP: | 95042 |
Prifissu telefònicu: | +0933 |
Grammicheli è un cumuni di 12.661 abbitanti dâ pruvincia di Catania.
Stu paisi tantu tempu fa si chiamava Occhiolà, pirchì surgìa supra a un munti unni c'era un furtinu; attornu a iddu c'era nu gruppu di casi ca pianu pianu addivintau nu pìcciulu paisi. Li paisani quannu jìvanu ntô furtinu, li genti dû furtinu dicìanu "chi va là?" e li paisani capìanu "Occhiolà!".
Un tirrimotu distrudìu tuttu lu paisi e sdirrubbau tutti li cosi l'11 di jinnaru dû 1693. Quannu ricustrueru lu paisi lu fìciru nta lu feudu di Gran Micheli, misu a disposizzioni di don Carlo Maria Carafa, prìncipi di Butera e di Ruccella. Accussì lu paisi novu si chiamau Grammicheli. La chiazza prinicipali è fatta 'n forma esagunali.
A Grammicheli lu 8 di maiu c'è la festa dû patronu dû paisi, San Micheli Arcàncilu. Lu 7 di sittèmmiru cc'è la festa dâ Madonna dû Chianu.