Belmunti Minzagnu
From Wikipedia
Belmunti Minzagnu | |
Muttu: | |
Nomu ufficiali: | Belmonte Mezzagno |
---|---|
Pruvincia: | Palermu (PA) |
Superfici: | 29,20 km² |
Abbitanti: | 10.305 |
Dinzitati: | 355 ab./km² |
Cumuni cunfinanti: | Musulumeli, Palermu, Parcu, Santa Cristina Gela |
CAP: | 90031 |
Prifissu telefònicu: | +091 |
Lu paisi di Belmunti Minzagnu (o Lu Minzagnu) s'attrova a 13 chilomitri di Palermu e a 364 metri supra lu liveddu dû mari. Li principali pruduzzioni agriculi sunnu: ciriali, alivi, frutta e racina pi mustu. Lu sitturi artiggianali vanta n'antica tradizzioni ntâ pruduzzioni di strumenti musicali.
Lu nomu di la citati, ntô principiu, era sulu Minzagnu (Mezzagno), chi significa misu a menza autizza; a cuminzari dû 1776 si trasfurmau 'n Belmunti, picchì era feudu dî Ventimiglia, prìncipi di Belmunti. Sulu doppu lu 1864 a Belmunti si ci agghiuncìu Minzagnu.
Nta lu 1776 Giuseppe Ventimiglia fici custruiri la Matrici, ntâ quali si cunservanu li dui tili di Pietro Novelli cu li figuri di S.Rusulìa e dâ Sacra Famigghia. Àutri munumenta ntirissanti sunnu la Cresia di l'Armi Santi e li resti dû Palazzu Barunali.
L'abbitanti sunnu chiamati "minzagnoti" (o a li voti "mizzagnoti") 'n sicilianu e "mezzagnoti" 'n talianu.