Apple Macintosh

From Wikipedia

Lu Apple Macintosh è nu tipu di computer chi niscìu ntô jinnaru, 1984. Li mmintura dû Macintosh e lu sò sistema opiranti vulìanu ca li computer fùssiru cchiù facili a usari, e èranu spirati d'un computer spirimintali ca vìttiru ôn labburatoriu di Xerox.

Lu Macintosh era lu primu computer chi vinni pruduciutu di bon nùmmuru usannu zoccu veni rifirutu dî ncingeri comu lu graphical user interface, o "GUI" (â littra: ntraminzeri d'utenti gràficu, chi voldiri, cu picca palori, lu menzu cû quali na pirsuna cumùnica cû computer). Nurmalmenti chî computer muderni lu GUI significa ca ogni pezzu di software chi l'utenti si pò usari supra lu computer veni signalatu di na cona. Cliccannu sta cona cû surci unu pò gràpiri lu software pi fari zoccu unu cci vulissi a fari cû computer.

La diffirenza cchiù granni cû Macintosh (sparti dû fattu ca pi tanti anni era assai avanti di l'àutri marchi ticnoluggicamenti) è ca lu sò prucissuri si pò usari sulu ntê Apple Macintosh unicamenti, però tanti marchi di computer ponnu usari li prucissura d'Intel o AMD. Lu Apple Macintosh nun è sempri cumpatìbbili cû software di Microsoft Windows eccettu quannu si usa software spiciali pi fàrili cchiù cumpatìbbili.

Chî Apple Macintosh muderni, stu prubbrema s'attrova cchiù menu di na vota.