Chhiba le romenge
De la Vikipidiya
Pashal i romani ćhib so avel le phurendar le roma trebulas thai trebul te janen vi le ćhibya le gajenge mashkar savyenge jivisaren. Si romane jāte (neamurya) so bistarden i romani ćhib vai numa kotora latar. Akana von phenen gajikane ćhibya vai avere neve ćhibya (vai dialekturya) so xamisaren gajikani gramatika thai gajikane lava le romane lavenca.
Le kale den duma mashkar lende le dialektesa navyardo kalo. O kalo si les spaniyolikani gramatika vi spaniyolikane lava thai but romane lava. Kado si phendo akana andi Spaniya, Portugaliya, Sudutni Franca thai Sudutni Amerika [1].
Le rudari (boyash, lingurari) phenen yekh ćhib so avel andar o rumunikano dialekto le 16-to shelbersheske thai le romane vi magyarikane lavenca.
Aver ćhibya le romenge:
- angloromani - le romnićhale andar i Bari Britaniya thai e Phandavde Thema (USA) phenen la [2][3]
- scandoromani - le romenge andar i Scandinaviya[3]
- lomavren - le lomenge andar i Armeniya
- grekikanoromani - le romenge andar i Grekiya
Si roma so phenen akana numa gaje ćhibya, sar si but vǎtrasha roma andar i Rumuniya (so den duma rumunikanes) vai but xoraxane roma andar i Bulgariya (so phenen turkikanes).
[editisar] Vi dikh
[editisar] Xalyarimata
- ↑ The Romany Language in Spain (anglikani ćhib)
- ↑ The Anglo-Romany (anglikani ćhib)
- ↑ 3.0 3.1 HANCOCK Ian, The Social and Linguistic Development of Angloromani (anglikani ćhib)
