Bulsaun
From Wikipedia
| Vopna | Carta |
|---|---|
 |
 |
| Fatgs da basa | |
| Gemeinde: | Bulsaun (tud.: Bozen, tal.: Bolzano, lad.: Bulsan) |
| Communitad districtuala | Bulsaun |
| Provinza: | Bulsaun-Tirol dal Sid |
| Region: | Trentino-Tirol dal Sid |
| Stadi: | Italia |
| Abitants (DP 2001 / 31. Matg 2006) | 94.989 / 99.241 |
| Gruppas linguisticas(segund la dumbraziun dal pievel 2001) | 26,3% tudestg 73,0% talian 0,7% ladin |
| Surfatscha / Culegna permanenta: | 52,3 / 28,0 km² |
| Coordinatas: | 46°30' Nord, 11°22' Ost |
| Autezza sur mar: | 232 - 1.616 (Center 262 m) |
| Districts da citad: | Zentrum-Bozner Boden-Rentsch (Centro-Piani-Rencio), Oberau-Haslach (Oltrisarco-Aslago), Europa-Neustift (Europa-Novacella), Don Bosco, Gries-Quirein (Gries-San Quirino) |
| Vischnancas cunfinantas: | Deutschnofen, Eppan an der Weinstraße, Jenesien, Karneid, Laives, Ritten, Sarntal, Terlan, Vadena |
| Partenadi cun: | Sopron (Ungaria) |
| NPA: | 39100 |
| Preselecziun telefonica: | 0471 |
| ISTAT-Numer: | 021008 |
| Numer da l'auto: | BZ |
| Politica | |
| Burgamester: | Luigi Spagnolli (11/2005) |
Bulsaun (tudestg: Bozen, talian: Bolzano, ladin: Bulsan/Balsan) è la chapitala dal Tirol dal Sid e ha ina populaziun da circa 100'000 abitants. La maioritad da la populaziun è italofona (73%) e ils germanofons èn 26,29%. La populaziun ladinofona è 0,71%. La citad è bilingua. Bulsaun furma er ina communitad districtuala sidtirolaisa apart. La citad cun tuta l'agglomeraziun arriva a circa 140'000 abitants.
Cuntegn |
[editar] Istorgia
[editar] Preistorgia
En questa epoca la foppa da Bulsaun era palidusa, ma las zonas enturn la foppa eran gia colonisadas.
[editar] Temp dals Romans
Cur che l'onn 15 avant Cristus il general Drusus conquistava las Alps ha fundà la colonia romana da Pons Drusi (Punt da Drusus), documentada da la Tabula Peutingeriana dal 4. tschientaner suenter Cristus. Fin a la conquista bajuvara il pievel discurriva in idiom retoroman. La colonia romana se chattava en vischinanza da la catedrala odierna.
[editar] Dal temp medieval a l'onn 1800
En il 7. tschientaner cun la migraziun dals pievels la zona da Bulsaun era daventada in contadi bajuvar. Dal puntg da vista religius Bulsaun era sut l'uvestgieu da Trento. En l'epoca autmedievala il Tirol dal Sid era dividì en las diocesas da Trento (Bulsaun e sid dal Tirol dal Sid odiern), Brixen (Val da l'Eisack e Val da Puster) e Cuira (Meraun e Vnuost). L'abitadi da la citad veglia odierna odierna è nat en il 11. tschientaner e l'onn 1268 Bulsaun ha obtegnì il dretg da citad. L'onn 1300 Bulsaun aveva 3'000 abitants. Fin il 13. tschientaner Bulsaun era chapitala dal contadi cun il medem num, suenter è daventada part dal contadi dal Tirol, che era ina localitad en vischinanza da Meraun che ha dà il num a la regiun. Da l'onn 1363 il contadi dal Tirol è daventà territori dals Habsburg. Durant il temp medieval Bulsaun è daventà in center da martgà impurtant.
[editar] Da la Revoluziun franzosa a l'onn 1918
Suenter la Revoluziun franzosa Bulsaun è stà part dal Reginavel Italic, ma è turnà part dal Imperi da Austria-Ungaria. Durant l'oppressiun da Napoleun Bulsaun era daventà in center dal departament dal Haut-Adige (il num talian odiern dal Tirol dal Sid è Alto Adige) cun center principal Trento (che oz na fa part dal Alto Adige) e ha pers il privilegi da martgà. Cun il return da Bulsaun a l'Austria la citad è turnà a crescher. L'onn 1910 la vischnanca da Zwölfmalgreien (talian Dodiciville, num istoric talian Le Malgreien) ha decidì la incorporaziun a la Citad da Bulsaun furmand la Groß-Bozen.
[editar] Da l'onn 1918 a l'onn 1945
L'onn 1918 Bulsaun e il Tirol dal Sid è stà annectà a l'Italia. Durant il faschissem la citad è stada italianisada e oz Bulsaun è ina da las tschintg vischnancas cun ina maioritad italofona. L'onn 1925 la vischnanca da Gries è stada incorporada a Bulsaun e l'onn 1928 è stà creada la Provinza da Bulsaun. Suenter l'armistizi talian Bulsaun era daventà part e chapitala da la Operationszone Alpenvorland (Zona d'operaziuns da la regiun prealpina) naziunalsocialistica. Il matg 1945 la citad è stada liberada da las truppas americanas.
[editar] Dal Suenterguerra a oz
Bulsaun è restà sut l'Italia, ma da l'onn 1972 è chapitala d'ina regiun autonoma. Avant l'acquisizion da l'autonomia en la regiun sa èn verifitgads attentats. Ils auturs dals attentats vegnan numnads dals germanofons Südtirolaktivisten e dals italofons terroristi sudtirolesi (terrorists). Oz subsistan tensiuns etnicas, ma senza episodas da violenza e la situaziun è quieta. Dals onns Novanta Bulsaun è creschida er cun la fundaziun d'ina universitad trilingua (tudestg, talian e englais).
[editar] Links
- commons:Bozen
- Citad da Bulsaun (tud., tal.)
- Universitad Libra da Bulsaun (tud., tal., eng.)
- Uffizi da Turissem da la Citad da Bulsaun (tud., tal., eng.)
- Regiun da Turissem Bulsaun e Sid dal Tirol dal Sid (tud., tal., eng., neer.)
