Categoría:Cultura

From Wikipedia

[edit] KALINANGAN/KULTURA

Ing katayang "kultura", "culture" keng Inglis, Kalinangan keng Kapampangan, menibat ya keng katayang Latin, "colere", buri nang sabyan manuknangan, gambulan o parangalan.

Awsan yang Kalinangan keng Amanung Kapampangan, yapin ini ing pamibiebie ring tau, nung makananu rang gagawan ing miyayalwang dapat o bague. Ngeni reng alwang tau atin lang alwang babye kabaldugan ning kalinangan, ali la ngan mamayun keng kabaldugan a mesabi. Reng miyayalwang kabaldugan a babye ra keng kultura anti lang salamin ning karelang pamanyukad king pamanalaga at kareng daralayan ning pamanaruk da keng gawang pantau.

Pansinan tamu ing pamilupa ning metung nang kabaldugan ning "colere" ning Latin a pigmulan ning katayang "culture", ing "gambulan", kalupa ne ing kabaldugan ning yamut ning katulid nang "kalinangan" king Amanung Kapampangan. Pauli ning ing buri nang sabian ning "linangan" anti mu naman king Amanung Tagalug, ya pin ing "gambulan, pasulunggan". Metung yang dagdag a patune ning ketuanan ampong kabandi ning Kabiasnan Kapampangan. ( Neng Aida D. Tanglao, 16 Oktubri,2005 )

Ing metung a buklud o miyabeyabe tau atin yang maka-alwang kultura o kalinangan, patye mikawani ne karing alwa, pauli ning kayang panggimut.

Miyayalwa la kalinangan reng lugal o bansa. Antimo reng Kapampangan manyiklod la karing mangatwa ra at gagamit lang "pu" at "opu" neng makipagsalita la karing makatua o karing bayu rang kilala. Metung yang aske ning pamanggalang ampon mayap a asal.

• Anthropology, Pamagaraltau, ya pin ing kabyasnan king pamanigaral karing tau at nung makananu la pamiyutus. Anthropologists ing yaus da karing magpakabyasa keng paksang ayni. Panwalan da reng anthropologists na reng tau gagamit lang sagisag bankanita apayabut(ayapse)la king karelang denasan – nung ninu ila, nang kapanwalan da, nukarin la menibatan. Kalinangan/kultura ing yaus da reng anthropologists keng sagisag ayni. Reng minalis o datang karing lugal dang tutuknangan (immigrants) malyari rang isundu ing kaugalian da king ibatan dang bansa. Keng pamanyundu rang ini king kalinangan da, mayayakit nung ninu ila at nung nula karin menibatan.

ING KULTURANG KAPAMPANGAN SINAUP YA KARING ALWANG KULTURA KING KAPULUANG PILIPINAS AT KARING AMANUNG KASTILA AT INGLIS

Ring Kapampangan a pantas, watas, kayabe ra ring talaturu, ring sinuyu king pamipagaral, ring abogadus sinaup la karing kalinangan ding miyayaluang bansa ampo karing miyayaluang marangle ning kabiasnan.

• AMADO M. YUZON - TALASULAT, POETA, ABOGADO, POLITIKU ... - Linikas ne keng Amanung Tagalug ing Epikung Iluku, "Biag ni Lam-ang", pauli niti dininan neng pamangilalang Pangulung Ferdinand E. Marcos king Malacañan. Marakal ya naman sinulat a poesya king Amanung Inglis at Kastila. Ketang banuang 1970, melagyu yang kandidatu para king Galal Nobel "Nobel Prize" karing adwang parang-Malagung Panyulat (Literatura) ampong Kapayapan.

• AURELIO V. TOLENTINO - DAKILANG BAYANI, WATAS, TALASULAT...- Sinulat ya namang dakal a zarzuela at dulang Tagalug. Ya ing miglalang king taguring "dula" - drama, ampong "dulaan" - theatro o "theater" ginamit na karing panyulat na king Amanung Tagalog. Metung ya karing pekamumunang kayanib ning Katipunan. Ya ing migmunikala kang Andres Bonifaciong malsang maki-sandata karing Kastila. Ketang panaun ding Amerkanu lalu yang dakal a apalual a gawa king Malagung Panyulat.

• CRISOSTOMO SOTO - "CRISSOT" , lagyu ne king panyulat. Miparangalan ya king pamanaus "CRISSOTAN" king Kapampangan a pamipakibatan kawatasan. Pelagyu ne kayang Amado Yuzon, pauli na ning gelingan na at katenakan king pamamoesya at karing alwa na pang inambag king miyalwang sanga ning Malagung Panyulat Kapampangan.

• ZOILO HILARIO

• JOSE GALLARDO

• VEDASTO D. OCAMPO

• EVANGELINA HILARIO-LACSON, PH.D. - METUNG KARING MANIMUNA KING PANYULUNG NING KALINANGAN KAPAMPANGAN MANIBATAN KING TAULI NANG DAKE NING KADUANGPULUNG DILANUA,(20th. Century) ANGGANG NGENING KASALUNSUNGAN

• "Indu ning Kalinanga Kapampangan"

Makabage yang taguri kang Evangelina Hilario-Lacson.