Associacion Europèa de Liure Escambi
Un article de Wikipèdia, l'enciclopèdia liura.
L'Associacion Europèa de Liure Escambi (AELE, en anglés European Free Trade Association - EFTA) es una associacion qu'a per tòca d'establir una zòna de liure escambi en Euròpa.
Somari |
[Modificar] Membres actuals
En mai dels 3 Estats que son pas membres que de l'EEE (totes exceptada la Soïssa), son tanben considerats coma signataris de l'acòrdi la Comunautat europenca e los 25 Estats membres de l'Union europenca :
En efièch, l'Espaci economic europenc espandís las atribucions de l'AELE (qu'auriá degut desaparéisser, en se fondant dins l'EEE) a totes los Estats membres de l'AELE e de l'UE.
[Modificar] Istòria
L'AELE foguèt fondada e Estocòlme en 1960 per de païses europencs non-membres de la CEE, per contrapesar l'influéncia d'aquesta. Volián simplament crear una zòna de liure escambi mentre que los de la CEE volián una union doanièra e un mercat comun. Puèi, l'AELE foguèt considerada coma una antecambra de l'Union europenca. A l'ora d'ara, los membres demorants de l'AELE son pas candidats a l'adesion a l'Union europenca.
[Modificar] Membres que quitèron l'AELE
Los païses qu'aderiguèron a la Comunautat economica europenca puèi a l'Union europenca quitèron l'AELE, per la reïntegrar en 1994 amb l'entrada en vigor de l'Espaci economic europenc.
Reialme Unit (partença en 1973)
Danemarc (partença en 1973)
Portugal (partença en 1986)
Àustria (partença en 1995)
Suècia (partença en 1995)
Finlàndia (adesion a l'AELE en 1986, partença en 1995).
[Modificar] Institucions
- Lo Secretariat de l'AELE
- Lo Conselh de l'AELE
- L'Autoritat de Susvelhança de l'AELE
- La Cort de l'AELE
[Modificar] Liure escambi
L'AELE a tanben d'acòrdis de liure escambi amb la Bulgaria, lo Chile, la Croàcia, Israèl, la Jordania, lo Liban, la Macedònia, lo Marròc, lo Mexic, l'Autoritat palestiniana, la Romania, Singapor, la Tunisia e la Turquia. Los acòrdis qu'aviá amb la Republica Chèca, l'Eslovaquia, la Polonha, l'Ongria, l'Eslovenia, l'Estònia, la Letònia, la Lituània son venguts caducs lo 1èr de mai de 2004 quand rejonguèron l'Union europenca.
De negociacions son en cors per la conclusion d'acòrdis de liure escambi amb l'Africa del Sud, lo Canadà, la Corèa del Sud, e l'Egipte.
D'autra part, de declaracions de cooperacion comuna son estadas signadas amb l'Albania, l'Argeria, lo Conselh de cooperacion del Gof, l'Egipte, lo Mercosur, la Serbia e Montenegro e l'Ucraïna.
Tres païses de l'AELE (l'Islàndia, lo Liechtenstein e la Norvègia) amb l'Union europenca an constituit l'Espaci economic europenc en 1994. La Soïssa èra tanben partida prenenta de l'acòrdi, mas lo pòble e los cantons soïsses refusèron aquela adesion per referendom lo 6 de decembre de 1992 per 50,3 % de las voses e 16 cantons sus 23. La Soïssa cerquèt alara de reglar sos rapòrts amb l'UE per de tractats bilaterals.
| Associacion Europenca de Liure Escambi (AELE) |  |
|---|---|
| Islàndia | Liechtenstein | Norvègia | Soïssa | |
[Modificar] Ligam extèrn
- Siti oficial de l'AELE (en anglés)
