Uti vår hage
Frå Wikipedia – det frie oppslagsverket
Uti vår hage var ein fjernsynsserie med Harald Eia, Bård Tufte Johansen og Atle Antonsen som gjekk i seks episodar på NRK i 2003. Episodane inneheldt humoristiske kortfilmar og innslag som var fletta inn i kvarandre. Dette var det fyrste konseptet der Eia og Johansen jobba med Atle Antonsen (og med Kristopher Schau, som hadde ei lita rolle i ein av episodane). Eia har sagt at kvar episode i det store og heile handla om «ein helt som møter motstand, overvinn motstanden, og vert forandra av den».
Fleire kjende ansikt, som Schau, Yngve Hågensen og Pål Bang-Hansen, hadde til tider sjølvparodierande gjesteroller i programmet.
Programmet vart produsert av Dropout Productions for NRK.