Tove Brandvik
Frå Wikipedia – det frie oppslagsverket
Tove Linnea Brandvik (f. 15. november 1968) (AP) er ordførar i Lindås kommune. Ho er òg vararepresentant for Arbeidarpartiet på Stortinget. Som vararepresentant vart Brandvik kjend som Noregs første rullestolbrukar på Stortinget. Årsaka var at ein måtte gjere diverse tilpassingar i stortingssalen, som på førehand ikkje var tilpassa rullestolbrukarar.
Brandvik er fødd i Levanger og har budd store delar av sin oppvekst i Leirfjord kommune i Nordland. Brandvik er utdanna diplomøkonom frå BI Trondheim / BI Bergen.
Då Brandvik vart ordførar i 2003 vart ho Lindås kommune sin første kvinnelege ordførar og så langt yngste ordførar, berre 35 år. Brandvik gjekk inn i si første kommunestyreperiode som ordførar. Brandvik kom frå stillinga som Senterleiar på kjøpesenteret Lindås Senter. Ho er i 2006 nestleiar i regionrådet Nordhordland IKS, Styreleiar for Nordhordlands kraftlag (første kvinnelege), Nestleiar i Hordaland Arbeiderparti.
