Tanaelva
Frå Wikipedia – det frie oppslagsverket
Tanaelva, på nord-samisk Deatnu, finsk Teno («Storelva»), er ei 330 kilometer lang elv, den tredje lengste i Noreg, som renn gjennom kommunane Karasjok og Tana i Finnmark. Over 256 kilometer av elva utgjer grensa til Finland.
Elva er kjend for laksefisket og er den største lakseelva i Noreg. Tanaelva har verdsrekorden for den største atlantiske laksen teken på stong. Den vog 36 kilo og vart teke i 1929.
Tana bru blei bygd i 1948 og har eit hovudspenn på 195 meter. Ho er den lengste mjuke hengebrua i Noreg. Grensepassering til og frå Finland skjer ved Polmak og over Samelandsbrua ved Utsjoki.
Elva munnar ut i Tanafjorden. Tanamunningen er eit av dei størst urørte deltaområda i Europa.