Prinsesse Ragnhild, fru Lorentzen
Frå Wikipedia – det frie oppslagsverket
Prinsesse Ragnhild Alexandra (fødd 9. juni 1930) er ei norsk prinsesse. Sidan giftarmålet med Erling Lorentzen i 1953 har den offisielle tittelen hennar vore Prinsesse Ragnhild, fru Lorentzen.
Prinsesse Ragnhild var det eldste barnet til Kronprins Olav og Kronprinsesse Märtha. Syskna hennar er prinsesse Astrid, fru Ferner og Kong Harald V av Noreg.
I 1953 gifta ho seg med Erling Sven Lorentzen, som tidlegare hadde vore livvakten hennar. Ho var den første av dei kongelege som gifta seg borgarleg, og hendinga skapte mykje oppstyr. Paret busette seg sidan i Brasil, og bur nå i Rio de Janeiro. Dei har tre born: Haakon Lorentzen, Ingeborg Lorentzen (gift med Paulo Ribeiro), og Ragnhild Lorentzen.
Prinsesse Ragnhild har i fylgje den norske grunnlova ikkje arverett til den norske trona. Etter den engelske lova har prinsessa derimot arverett til den britiske trona, ettersom ho stammar direkte frå dronning Victoria av Storbritannia.
