Petrograd
Frå Wikipedia – det frie oppslagsverket
Petrograd var den store russiske byen inst i Finskebukta som i si tid heitte St. Petersburg etter både Sankt Peter og tsar Peter den store som grunnla han. Petrograd heitte byen frå 1914, da tsar-Russland deltok i første verdskrigen med Tyskland og Austerrike som fiendar. Da kunne ein ikkje ha eit tyskklingande namn på hovudstaden lenger.
Etter Vladimir Lenin døydde (i 1924), kalla kommunistleiarane byen opp etter han, og den blei til Leningrad. Men da var ikkje byen hovudstad lenger. Kommunistane gjorde innlandsbyen Moskva til hovudstad, slik den hadde vore før tsar Peter den store fekk bygd den nye byen ved sjøen. Etter Sovjetunionen blei oppløyst heiter byen ved Finskebukta atter St. Petersburg, men Moskva er framleis hovudstad.
Den største katastrofen i byen si historie var da han var omringa av nazityske styrkar i to og eit halvt år under andre verdskrigen. Bomber, granatar, svolt og sjukdom tok livet av 1,5 millionar av innbyggjarane under den grufulle beleiringa.
