MOS Technology
Frå Wikipedia – det frie oppslagsverket
MOS Technology Inc, også kjend som Commodore Semiconductor Group, var eit amerikansk føretak som vart starta i 1969. MOS Technology produserte mikrobrikker som vart nytta i kalkulatorar frå kundar som Texas Instruments og Commodore International.
I 1975 sa nokre av ingeniørane bak Motoroloa 6800 prosessoren opp stillingane sine i Motorola og slutta seg til MOS Technology som lot dei utvikle prosessoren MOS 6501. Ettersom denne prosessoren var designmessig lik M6800 kunne prosessoren nytta dei same hovudkorta. Dette fekk Motorola til å gå til søksmål mot MOS Technologies, sjølv om prosessorane elles ikkje var kompatible med kvarandre. Denne striden varte i mange år og MOS technologies måtte etterkvart betale 200 000 dollar til Motorola.
I mellomtida kom prosessoren MOS 6502, denne var lik forgjengaren men kunne ikkje nytte same hovudkort som M6800 ettersom kontaktane var forskjellig. Prosessoren var likevell billegare og raskare enn Motorola sin M6800, samt Intel 8080.
Trass i suksessen som MOS 6502 hadde, var MOS Technologies i økonomiske vanskar. Salget av kalkulatorar stupte og føretaket vart kjøpt opp av Commodore International i 1975. Oppkjøpet resulterte i MOS Technologies etterkvart skifta namn til Commodore Semiconductor Group. Likevell vartmikrobrikkene stempla med den gamle MOS logoen fram til 1989. Då Commodore International gjekk konkurs i 1994 vart Commodore Semiconductor Group solgt til GMT Microelectronics. GMT Microelectronics vart tvangslikvidert i 2001.
