Molde videregående skole
Frå Wikipedia – det frie oppslagsverket
Molde videregående skole er ein allmennfagsskule med avdelingar for musikk, realfag, samfunnsfag og språk. I daglegtale blir han kalla «Gymnaset».
Kvart år sett nokre av elevane opp eit skodespel og ein russerevy, medan alle ved studieretninga for musikk, dans og drama – som blir driven saman med Molde kulturskole – tredje kvart år sett opp ein musikal.
Innhaldsliste |
[endre] Historie
Skulen blei skipa som mellomskule i 1832. I 1863 fekk han rang som «lærd skole», kor elevane kunne avleggje examen artium.
Ein av dei tidlege elevane, Bjørnstjerne Bjørnson, kalte mellomskulen «en liden, meget pyntelig skole / på hvilken både kirke og stat kunde stole». Da han drog frå byen 17 år gammal, var det med orda «Nu farvel! fordømte Skole / Nu farvel! mit Fængselshul» i hugen.
Frå 1880-åra er det kjent at skulen hadde eit gymnasiastsamfunn med eiga elevavis, kor mellom andre Johan Scharffenberg skreiv.
[endre] Skulebygg
I skuletida til Bjørnson på 1840-talet låg skulebygningen ved elvemunningen. Sia 1925 har skulen lege rett nordvest for Øvre bru, vis-à-vis den tidlegare folkeskulen (som no er vekk). Forutan hovudbygningen i empirestil, som framleis er i bruk, har fleire bygg kome til etter kvart.
[endre] Tidlegare namn
- Molde Middel & Realskole (nemnt 1861)
- Molde Lærd- og Realskole (nemnt 1872)
- Molde latingymnasium og middelskole (nemnt 1879)
- Molde middelskole og latingymnasium (nemnt 1887)
- Molde kommunale høgre ålmennskule (1929–)
- Molde vidaregåande skole (nemnt 1994)
[endre] Nokre rektorar
- Alexander Brinchmann (1859–93)
- Leiv Heggstad (1931–45)
- Asgaut Bore
- Helge Linge
- Thorbjørn Myhre
[endre] Kjende tidlegare elevar
- Bjørnstjerne Bjørnson (elev 1844–49), forfattar
- Olaus Fjørtoft (latinelev 1861–66), journalist
- Kristofer Kristofersen (elev til 1869), forfattar og journalist
- Johan Scharffenberg (elev 1882–88), psykiater og sosialpolitikar
- Knut Ødegård (elev til 1965), forfattar
- Kjell Magne Bondevik, statsminister
- Jo Nesbø, musikar og forfattar
- Bernt Hulsker, fotballspelar
- Endre Ruset (elev til 2001), forfattar
[endre] Kjelder
- Dokumentasjonsprosjektet. Tekstsamlinga. Bjørnstjerne Bjørnson, samla verk, band 8, Digte og sange 1880
- Heimeområdet til Molde videregående skole
- Kjell Ove Nybø Hattrem: «Professor Jacob Tanner forteller fra si ungdomstid i Molde (i samtale med Per Amdam og Nils Parelius)», i Årsskrift (Romsdal sogelag, Molde 1997)
