Missiltorpedobåt
Frå Wikipedia – det frie oppslagsverket
Missiltorpedobåt (vanlegvis forkorta MTB) er ein type mindre krigsfarty. Fartøystypen kjenneteiknast med liten storleik og stor våpenlast. I norsk samanhang kan dei godt reknast for å vere mellomstore. MTB er ei forkorting som historisk sett høyrer heime under 2. verdskrig. Den stod for MotorTorpedoBåt. No står MTB for MissilTorpedoBåt. Fartya har vorte utstyrte med Penguin rakettar.
Desse fartya høyrer til den same tradisjonen som båtar som blir kalla FPB (Fast Patrol Boat) eller berre PB (Patrol Boat) på engelsk. Dei har óg blitt kalla torpedobåtar. Noreg var fyrst ute med torpedobåtar og KNM Rap som kom i 1873 er rekna som verdas fyrste torpedobåt. Etterkvart kom to klassar MTBar på plass. Dei vart kalla 1. klasse og 2. klasse. Dei fekk klengenamnet Sigar-klassen på grunn av at dei såg ut som sigarar. Andre klassar norske MTBar er D-klassen, ELCO-klassen, Rapp-klassen, Tjeld-klassen (óg kalla NASTY-klassen), Snøgg-klassen, Storm-klassen, Hauk-klassen og Skjold-klassen.
MTBar har som taktikk å nytte kysten som skjul og å heile tida ha kontroll på kvar fienden er utan å verte oppdaga. Angrep skjer raskt og overraskande før båtane trekkjer seg attende. Dei norske MTBane er mellom dei få kampfartya som skremmer dei største slagskipa under NATO-øvingar. Grunnen til det er at når dei store fartya opererar nær opp til norskekysten veit dei at det finst våpen og personell som følgjer dei uten at dei har ein sjanse til å sjå kvar og når eit åtak vil kome. MTBane har tradisjonelt vore det raskaste som rører seg på kysten, og Skjold-klassen er rekna for å vere verdas raskaste krigsskip.