Kristian Ottosen

Frå Wikipedia – det frie oppslagsverket

Kristian Ottosen (15. januar 1921–1. juni 2006) var ein norsk sakprosaforfattar, motstandsmann og byråkrat.

Han vart fødd i Solund, men flytta som ung til Bergen. Han tok examen artium (1940). Han kom etter kvart med i Theta-gruppen, som var ei motstandsgruppe i Noreg under den andre verdskrigen. I 1942 vart han arrestert. Han sat i ymse konsentrasjonsleirar. Han sat som Nacht und Nebel-fange i konsentrasjonsleirane Sachsenhausen, Natzweiler-Struthof, Dachau, Ottobrunn, Vaihingen og Neuengamme.

Etter krigen studerte han i Bergen, og vart leiar for Studentsamskipnaden i Bergen. Frå 1950 til 1979 var han leiar for Studentsamskipnaden i Oslo som i 1991 etablerte Kristian Ottosen-prisen. Han var sentral i «Ottosen-komiteen» som stod bak utgreiinga om for etablering av distriktshøgskulane (1969). Ottosen var òg pådrivar for etableringa av Statens lånekasse for utdanning. Han sat som styreleiar i NRK 1972-1979 og Nationaltheatret 1981-1989.

Som pensjonist skreiv han ei rad grundige dokumentasjonar om norske krigsfangar og fangeleirane. For dette mottok han prisen «Fritt Ords honnør» (2002).

[endre] Verkliste

• Innstilling om videreutdanning for artianere m.v. (1966-1970)
• Forskningsbehov og formidlingsorganisasjon (1981)
• Utdanning for oljevirksomhet (1981)
• Investering i kunnskap: Studentøkonomi og utdanningspolitikk (1982)
• Theta Theta: Et blad fra motstandskampens historie 1940-1945 (1983/1991)
• Utredning om faglitteraturens stilling i Norge (1986)
• Natt og tåke: Historien om Natzweiler-fangene (1989)
• Liv og død; Historien om Sachsenhausen-fangene (1990)
• Kvinneleiren: Historien om Ravensbrück-fangene (1991)
• Festskrift for Ivar Mathisen på 70-års dagen 23.9.1991 (red., 1991)
• Bak lås og slå: Historien om norske kvinner og menn i Hitlers fengsler og tukthus (1993)
• I slik en natt: Historien om deportasjonen av jøder fra Norge (1994)
• Ingen nåde: Historien om nordmenn i japansk fangenskap (1996)
• Nasjonalhjelpen: Et lys i mørket (1997)
• Redningen: Veien ut av fangenskapet våren 1945 (1997)
• Den annen verdenskrig (2000)
• Nordmenn i fangenskap 1940-1945: Alfabetisk register (red., 1995/2004)
• Motstand, fangenskap og frihet: Endringer 1940-45 (2005)
• Studentvelferd i vekst: Førti år i studentenes tjeneste (2005)
• Frambus historie (2007)