Internasjonal telefonkode
Frå Wikipedia – det frie oppslagsverket
Internasjonal telefonkode, eller landkode, nyttast når du skal ringje med telefon over landegrensene. Du må då fyrst tasta ein utgåande kode. I dei fleste land (inkludert Noreg) er den lik 00. Mange land nyttar også retningsnummer. Dersom retningnummeret byrjar med 0, vert denne ofte utelete. Eit unnatak er for retningsnummer i Italia.
For å ringje ut av Noreg må du då tasta:
00 + internasjonal telefonkode + eventuelt retningsnummer + telefonnummer til den du vil nå
På telefonar som har ein pluss-knapp, kan du bruke denne i staden for den utgåande koden (00). Dette gjeld mellom anna mobiltelefonar.
Landkoden til Noreg er 47. Skal du gje telefonnummeret ditt til folk som ringjer frå utlandet skriv du +47 framfor nummeret.
Telefonkodane vert delt ut av Unionen for international telekommunikasjon i standarden E.164. Den gjeldande oversikten over internasjonal telefonkode til alle land finst på linken under. Merk deg at internasjonale telefonkodar blir endra innimellom.
