Holmenkollen

Frå Wikipedia – det frie oppslagsverket

Holmenkollen hoppbakke om vinteren

Holmenkollen ligg på toppen av Oslo, som inngangsport til Marka. Området vart tatt i bruk som rekreasjonsområde for over 100 år sidan. Somarstid er turgåing, fiske, sykling og kanopadling populære aktiviteter. Vinterstid er området ein ynda utfartsstad for folk i Oslo. Idag er Holmenkollen ein av Noregs mest kjende turistattraksjonar med over 1 million vitjande kvart år.

[endre] Holmenkollbakken

Tårnet i Holmenkollbakken

Utsikt fra Holmenkollbakken med Besserudtjernet

Holmenkollbakken vart opna i 1892 med ein bakkerekord på 21,5 meter, men er ombygd mange gongar sidan. Bakken var arena for det olympiske hopprennet i 1952 samt VM i 1966 og i 1982. Bakkerekorden (2005) er 136 meter, og vart satt av Tommy Ingebrigtsen i NM-rennet 25. januar 2006. Tårnet ligg 60 meter over bakken og 417 meter over havet. Bakken er eit kjendt landemerke i Oslo, og han er også ein av dei mest kjende hoppbakkene i verda.

Det første hopprennet i Holmenkollbakken vart arrangert 31. januar 1892, med over 10 000 tilskodarar. Det første stillaset vart reist i 1914. Dåverande kronprins Olav deltok i Holmenkollrenna i 1922 og 1923. I 1946 kom over 100 000 tilskodarar til Fredsrennet for å hylle kong Haakon VII.

Det spesielle hopprennet under OL i Oslo i 1952 vart arrangert i Holmenkollen, og også då var det over 100 000 tilskodarar til stades. Holmenkollbakken var også arena for det spesielle hopprennet (stor bakke) i VM i 1966 og 1982. Den foreløpig siste utbygginga av bakken vart utført i 1992.

I dag har bakken eit kritisk punkt på 115 meter (bakkestorleik 128 meter). Bakkerekorden i Holmenkollen er 136 meter, satt av Tommy Ingebrigtsen i NM-rennet 25. januar 2006. Bakkerekorden for kvinner har Anette Sagen med 131 meter, også satt i NM 25. januar 2006.

[endre] Besserudtjernet

I botnen av bakken ligg om somaren Besserudtjernet. Der har mellom anna show-rennet "Ta Sjansen" vorte arrangert. Om vinteren vert vatnet tappa ut, og botnen av tjernet er sletta i hoppbakken. I dag er det plass til omlag 50 000 tilskodarar i Holmenkollbakken.

[endre] Ny bakke

25. mai 2006 vart VM i ski i [[2011] tildelt Oslo og det betyr samtidig at det vil bli bygd ein ny bakke i Holmenkollen og forbedringar av anlegget. Hoppbakken som står det no vil bli rive i 2007] og bygd opp i moderne utgåve. Han skal få eit K-punkt på 136 meter mot 128 i dag. I tillegg skal det byggjast eit permanent vindsegl som skal ta av 40 prosent av vinden for hopparane. Totalt vil den nye storbakken koste 310 millionar kroner.

I tillegg skal ein bygge ny normalbakke i Midtstuen og fem mindre bakkar. Langrennsstadion skal også bli betre med større tribunar og ny innspurt. Både Staten og Oslo Kommune har garantert for utbyggjinga.

I 2004 og 2005 gjekk Skiforbundet inn for å bygge eit nytt hoppanlegg i Rødkleiva i Oslo. Planane var å bygge ein middels stor hoppbakke som etter kvart skulle byggast ut til ein stor skiflygingsbakke. Politikerne sa imidlertid nei til å støtte eit slikt prosjekt.

[endre] Bakkerekordar

Utvalgde bakkerekordar (kilde: skisprungschanzen-archiv.de):

1892: 21.5 m - Arne Ustvedt, Noreg
1909: 31.0 m - Leif Berg, Noreg
1918: 42.0 m - Josef Henriksen, Noreg
1929: 50.0 m - Arvid Smedsrud, Noreg
1939: 62.0 m - Sven Selånger, Sverige
1947: 70.0 m - Olav Stavik, Noreg
1962: 80.5 m - Toralf Engan, Noreg
1968: 91.0 m - Bjørn Wirkola, Noreg
1980: 105.0 m - Tom Levorstad, Noreg
1985: 110.5 m - Heiko Hunger, DDR
1994: 126.5 m - Mario Stecher, Østerrike
1999: 131.0 m - Olav Magne Dønnem, Noreg
2006: 136.0 m - Tommy Ingebrigtsen, Noreg

[endre] Skimuseet

Skimuseet i Holmenkollen har sidan 1983 låge i fjellet ved sidan av hoppbakken. Skimuseet i Holmenkollen er verdas eldste skimuseum for ski og skihistorisk utstyr.

[endre] Holmenkollen kapell

Holmenkollen kapell ligg like ved Holmenkollbakken. Det vart bygd i 1903, og gjenoppbygd i 1996 etter ein påsatt brann. Kapellet er ettertrakta for vigsler, og Kongefamilien har som tradisjon å feire jula med ei vitjing hit.