Haugalandet
Frå Wikipedia – det frie oppslagsverket
Haugalandet er eit landskap nord i Rogaland og sør i Hordaland som strekker seg frå Karmøy i sør til Sveio i nord, og frå Etne i aust til øya Utsira i vest. Landskapet omfattar kommunane Haugesund, Karmøy, Tysvær, Vindafjord, Bokn, Utsira, Sveio, Etne og Sauda. Namnet på landskapet kjem frå garden Hauge på Karmøy, som òg har gjeve namn til Haugesund.
Dette området har kring 100.000 innbyggjarar. Området er naturleg avgrensa av Boknafjorden i sør, og Bømlafjorden i nord. Haugesund fungerer som eit slags regionsentrum. Haugesunds Avis er største avisa i regionen, og TV Haugaland er ein TV-kanal som dekker heile området.
Nemninga «Haugalandet» skal fyrst ha vore nytta av Ivar Aasen, i diktet «Haraldshaugen» frå 1852. Fyrste vers er slik:
- Her ser eg Haralds
- Haug fyre Augom;
- lenge var eg lystad
- at lydast til honom.
- Botnad paa Berget
- berrsynt mun han standa
- millom Hump og Hamar
- paa Hauga-Landet.
