Fagernes
Frå Wikipedia – det frie oppslagsverket
- Sjå òg Fagernes (fleirtyding) for fleire stader som heiter Fagernes.
Fagernes er den største tettstaden i Valdres med eit folketal på omkring 1800. Fagernes er kommunesenter for Nord-Aurdal kommune.
Fagernes er eit viktig turistsenter og knutepunkt med gode kommunikasjonar til Oslo, Gol, Jotunheimen og Vestlandet. Fagernes var endestasjon for Valdresbana frå 1906 til bana vart nedlagd i 1988. Fagernes lufthavn, Leirin vart opna i 1987. Valdres Folkemuseum, eit av landets største friluftsmuseum, ligg på Fagernes.
Avisa Valdres har hovudkontor på Fagernes.
Fagernes er eit møtepunkt mellom Oslo og Bergen. Det ligg om lag to og ein halv time med bil frå Oslo. Herfrå kan du velja riksveg 51 over Golsfjellet(Hallingdal), eller den nydelege vegen over Valdresflya til Gudbrandsdalen.
[endre] Historie
Fagernes kom til kring 1857, då den fyrste handelsdrifta vart starta. Frå 1875 har det vore hotelldrift på Fagernes, og staden fekk eit kraftig oppsving i samband med Valdresbana i 1906.
