Brus
Frå Wikipedia – det frie oppslagsverket
Brus er ein leskedrikk laga med kolsyre, søtingsmiddel og interessante smakar og fargar. Ordet er ei forkorting for bruslimonade, og namnet viser til den brusande effekten som kolsyra gjer drikken.
Innhaldsliste |
[endre] Sukkerdrikken
På svensk kallar ein produktet ”sockerdrycka” eller sukkerdrikk, ettersom sukker er slik ein viktig del av brusen. Saman med kolsyra gjer sukkeret brusen til ein av dei største truslane mot folk sine tenner. Det finst òg sukkerfri brus som er søta med andre stoff, som aspartam, cyklamat og sakkarin. Desse kan vera mindre skadelege for tennene, men treng ikkje vera det. Ved at brus har svært låg PH-verdi og inneheld svært mykje raffinert sukker, er den også rekna for å vera skadeleg for resten av kroppen.
[endre] Brussmakar
Ulike brustypar har ofte, eller påstår at dei har, smak av ulike typar frukt. Bruslimonaden hadde sitronsmak medan ein annan gammal norsk brus, Solo, var kjenneteikna av appelsinsmaken sin. Det finst òg meir eksotiske brussmakar, som ananasbrus og litchibrus.
I tillegg finst det fleire brustypar utan naturlege smakar. Coca cola er kanskje den best kjende av desse, men rødbrus og champagnebrus er andre eksempel.
[endre] Mineralvatn
Vatn som ikkje er tilsett sukker og råsaft frå frukt eller andre kunstige smaksemne, men berre kolsyre, blir kalla mineralvatn.
[endre] Brusfabrikantar
Kjende norske fabrikantar av brus er:
- Brænne Mineralvatn i Volda
- Oskar Sylte Mineralvannfabrikk i Molde
- Lerum Fabrikker i Sogndal
 |
Denne matartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over matspirer. |
