Aslaug Vaa
Frå Wikipedia – det frie oppslagsverket
Aslaug Vaa (1889–1965) var ein norsk lyrikar og dramatikar. Ho var fødd i Rauland i Vinje i Telemark, syster til bilethoggaren og målaren Dyre Vaa, gift med psykologen og filologen Ola Raknes, mor til bilethoggaren Anne Raknes og lyrikaren Magli Elster.
Aslaug Vaa studerte fransk litteratur og kunsthistorie ved universitet i Paris og teaterhistorie ved universitetet i Berlin. Etterpå arbeidde ho ei tid som lærar og journalist. Ho debuterte som lyrikar i 1934, 45 år gammal. Den fyrste samlinga heitte Nord i leite. Ho skreiv også skodespel.
Ho fekk kunstnarløn frå 1955.
I 2001 framførde Odd Nordstoga og Øyonn Groven Myhren tingingsverket Nivelkinn bygd på Aslaug Vaa sin diktsyklus av same namn frå Nord i leite på Telemarksfestivalen. Oppføringa vart teken opp og gitt ut på plate, og vann Spellemannsprisen i 2003.
[endre] Bibliografi
- 1934 Nord i leite, lyrikksamling
- 1935 Skuggen og strendan, lyrikksamling
- 1936 Villarkonn, lyrikksamling
- 1938 Steinguden, skodespel
- 1939 På vegakanten, lyrikksamling
- 1947 Fotefár, lyrikksamling
- 1947 Tjugendagen, skodespel
- 1954 Skjenkarsveinens visur, lyrikksamling
- 1963 Bustader, lyrikksamling
- 1964 Dikt i utval, lyrikksamling
- 1965 Honningfuglen og leoparden, skodespel
- 1966 Munkeklokka, skodespel
- 1989 Dikt i samling
- 1999 Og ordet var..., etterletne dikt