A-ha
Frå Wikipedia – det frie oppslagsverket
- På grunn av tekniske tilhøve har denne artikkelen feil namn. Den rette tittelen er a-ha.
a-ha er ei norsk popgruppe som vart danna i 1983 med medlemmene Magne Furuholmen (keyboard, gitar, song), Pål Waaktaar (keyboard, gitar, trommer, song) og Morten Harket (song).
Innhaldsliste |
[endre] Historikk
I 1985 slo dei igjennom både i Europa og i USA med Take On Me, blant anna på grunn av ein delvis animert musikkvideo. Blant dei seinare hitane til gruppa er The Sun Always Shines on TV, Manhattan Skyline, The Living Daylights (frå James Bond-filmen Living Daylights) og Stay on These Roads.
I 1990 hadde dei ein hit med ei nyinnspeling av Everly Brothers-låta Crying in the Rain frå 1961.
Under «Rock in Rio»-festivalen i 1991 samla a-ha 194 000 tilskodarar på Maracanã-stadionen i Rio de Janeiro. Dette er verdsrekord for antal betalande på ein konsert. Til samanlikning samla George Michael og Guns 'n Roses 60 000 tilskodarar kvar under den same festivalen.
På grunn av sterke personlege motsetnader i bandet, vart a-ha oppløyst i 1993. Dei kom imidlertid saman i 1994 for å opptre under OL på Lillehammer, blant anna med ein melodi dei hadde skrive for Paralympics-leikane, Shapes That Go Together. Dei kom òg saman for å spela under konserten i samband med utdelinga av Nobels fredspris i 1998. Etter dette gjekk gruppa i studio og spelte inn albumet Minor Earth Major Sky, som resulterte i ein ny turné. I 2002 gav dei ut albumet Lifelines, og selde framleis godt, spesielt i Sentral-Europa og Skandinavia.
I 2004 signerte a-ha ei kontrakt med Universal Music som inneber at bandet forpliktar seg til å produsere tre nye album.
[endre] Diskografi
[endre] Studioalbum
- Hunting High and Low (1985)
- Scoundrel Days (1986)
- Stay On These Roads (1988)
- East of the Sun, West of the Moon (1990)
- Memorial Beach (1993)
- Minor Earth Major Sky (2000)
- Lifelines (2002)
- Analogue (2005)
[endre] Samlealbum
- Headlines and Deadlines: The Hits of a-ha (1991)
- The Singles 1984–2004 (2004)
[endre] Livealbum
- How Can I Sleep With Your Voice in My Head (2003)
