Østlandsk reisning

Frå Wikipedia – det frie oppslagsverket

Østlandsk reisning var ein norsk målpolitisk organisasjon, med mål om målreising for talemåla på Austlandet. Østlandsk reisning vart skipa hausten 1916 med seinare biskop Eivind Berggrav som formann og professor Halvdan Koht som nestformann. Sentral i organisasjonen var professor i riksmål, Didrik Arup Seip. Østlandsk reisning arbeidde for å få inn drag frå dialektane på Austlandet i norsk skriftspråk. Landsmål hadde sterke drag frå talemål på Vestlandet, medan riksmål bygde på dansk språk og danna daglegtale til dei øvre sosiale laga i byane. Såleis meinte Østlandsk reisning at det ikkje var teke nok omsyn til talemåla på Austlandet i nokon av dei eksisterande norske målformene. Ved å byggja på folkemålet på Austlandet, vart det sett på som mogleg å få til eit sams norsk skriftspråk, eit samnorsk. Østlandsk reisning som organisasjon eksisterte fram til 1926, men folk frå Østlandsk reisning var sentrale i utarbeidinga av rettskrivinga av 1938.

[endre] Bakgrunnsstoff

• Østlandsk reisning - norsk samling 1916 - skrive av Didrik Arup Seip
• Østlandsk reisning 1916 - skrive av Halvdan Koht
• Østlandsk reisning 1916 - skrive av Eivind Berggrav
• Austlandsk reising - norsk samling Tale på årsfesten i Noregs Mållag Hamar, 1919 - Sven Moren

	Denne artikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
	Sjå òg: Oversyn over spirer.